ايماقتار • 17 ماۋسىم، 2021

ستۋدەنتتەر ساياباعىنا كوشە سپورتىنا ارنالعان شاعىن كەشەن ورناتىلادى

16 رەت كورسەتىلدى

NS street life كوشە سپورتىنا ارنالعان كەشەن (كوليزەي) ەلورداداعى مۇڭايتپاسوۆ كوشەسىندەگى ستۋدەنتتىك ساياباققا ورناتىلادى، دەپ حابارلايدى ەلوردا اكىمدىگىنىڭ رەسمي سايتى.

كوشە سپورتىنا ارنالعان ەكى دەڭگەيلى مۋلتيفۋنكتسيونالدى ارەنا بۇقارالىق سپورتتى دامىتا تۇسپەك.

وندا باسكەتبول، فۋتبول، بوكس تۋرنيرلەرى مەن بي جارىستارىن وتكىزۋ جوسپارلانۋدا. ال قىستا تريبۋنا مۇز ايدىنىنا اينالۋى مۇمكىن. ونى ورناتۋ جۇمىستارى باستالىپ كەتتى. سپورت اۋەسقويلارىنا ارنالعان جاڭا ورىن شىلدە ايىندا اشىلماق.

«نۇر-سۇلتان – جايلى قالا» ماستەر-جوسپارىنىڭ تۇجىرىمداماسى اياسىندا قوعامدىق كەڭىستىكتەر، ساياباقتار، جايلى قالالىق ورتا، ونىڭ ىشىندە كوشە سپورتىن ناسيحاتتاۋ ءۇشىن ينفراقۇرىلىم سالۋ قولعا الىندى. مۇنداي الاڭداردىڭ ءاربىر اۋداندا بولۋى ءۇشىن پوليتسەنترلىك قاعيدات ەسكەرىلەدى»، دەپ اتاپ ءوتتى نۇر-سۇلتان قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسىنىڭ باسشىسى نۇرلان ۇرانحاەۆ.

NS street life كوشە سپورت ارەناسىندا ءتورت كىرەبەرىس، ونىڭ ىشىندە اينالا وتىراتىن ورىن بولادى. ەكىنشى دەڭگەيدە كولەڭكەلى شاتىرلار قاراستىرىلعان. ءبىرىنشى دەڭگەيدە وتىراتىن ورىندار سانى – 350 ادام، ەكىنشى دەڭگەيدە – 100-گە جۋىق.

«بوس اۋماقتار – سپورت ءۇشىن ەڭ قولايلى ورىن. ال اتاتۇرىك اتىنداعى ساياباقتا يوگا الاڭى ۇيىمداستىرىلادى. كوشە سپورتى كوليزەيىنىڭ ءىشى مەن سىرتىندا بىرنەشە جارىستى قاتار وتكىزۋگە بولادى»، دەپ اتاپ ءوتتى ۋربانيستيكا ورتالىعىنىڭ باسشىسى ەلنار بازىكەن.

ەلوردادا «نۇر-سۇلتان – جايلى قالا» ماستەر-جوسپارى اياسىندا بيىل 160 اۋلا مەن قوعامدىق كەڭىستىكتى اباتتاندىرۋ جوسپارلانىپ وتىر.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار