ايماقتار • 17 ماۋسىم، 2021

اتىراۋدا زاڭ بۇزعان 61 شەتەلدىك ەلدەن شىعارىلدى

60 رەت كورسەتىلدى

اتىراۋدىڭ وبلىسىنىڭ اۋماعىندا كوشى-قون زاڭناماسىن بۇزعان 61 شەتەلدىك ەلدەن شىعارىلدى، دەپ حابارلايدى Egemen.kz.

وبلىستىق پوليتسيا دەپارتامەنتىنىڭ باستىعى، پوليتسيا پولكوۆنيگى قامزا ۇمبەتقاليەۆتىڭ مالىمەتىنشە، بۇل دەرەك «ميگرانت» جەدەل-پروفيلاكتيكالىق ءىس-شاراسى كەزىندە انىقتالىپ وتىر.

«پوليتسيا قىزمەتكەرلەرى ەلىمىزدىڭ كوشى-قون زاڭناماسىن بۇزۋدىڭ​ 1 514​ دەرەگىن انىقتادى. ونىڭ ىشىندە​ قر اكىمشىلىك قۇقىقبۇزۋشىلىق كودەكسىنىڭ 517-بابىمەن 1185​ شەتەلدىككە اكىمشىلىك شارالار الىندى»، دەيدى قامزا ۇمبەتقاليەۆ.

ونىڭ مالىمەتىنە قاراعاندا، كوشى-قون زاڭدىلىقتارىن بۇزعانى ءۇشىن سوت شەشىمىمەن​ 61​ شەتەلدىكتەردى ەلدەن شىعارۋ ۇيىمداستىرىلعان. پوليتسيا قىزمەتكەرلەرىنىڭ باقىلاۋىمەن 15 وزبەكستاندىق پەن تاجىكستان رەسپۋبليكاسىنىڭ 1 ازاماتىن​ ءماجبۇرلى تۇردە تۇركىستان وبلىسىنىڭ سارىاعاش اۋدانىنداعى «جىبەك جولى» باقىلاۋ-وتكىزۋ بەكەتى ارقىلى شىعارىلعان.​

«بۇعان قوسا، كوشى-قون سالاسىنداعى زاڭنامانى بۇزعان جانە شەتەلدىك جۇمىس كۇشى  مەن ەڭبەكشى كوشىپ كەلۋشىلەردى ارنايى زاڭدىلىقتى بۇزا وتىرىپ تارتقان​ ەلىمىزدىڭ 329​ ازاماتى مەن زاڭدى تۇلعالارى اكىمشىلىك جاۋاپكەرشىلىككە تارتىلدى. جەكە باسىن انىقتايتىن قۇجاتسىز جۇرگەن​ تمد ەلدەرىنىڭ 144​ ازاماتى قابىلداۋ-تاراتۋ ورنىنا تاپسىرىلدى»، دەيدى قامزا ۇمبەتقاليەۆ.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار