فۋتبول • 17 ماۋسىم، 2021

ERTIS فۋتبول كلۋبىنىڭ ديرەكتورى سوتتالدى

9 رەت كورسەتىلدى

پاۆلوداردا ERTIS فۋتبول كلۋبىنىڭ ديرەكتورى سوتتالدى، دەپ حابارلايدى Egemen.kz.

پاۆلودار وبلىسى بويىنشا ەكونوميكالىق تەرگەۋ دەپارتامەنتى «ERTIS» فۋتبول كلۋبى» قوعامدىق قورىنا قاتىستى بيۋدجەتكە سالىق تولەۋدەن جالتارۋ دەرەگى بويىنشا قىلمىستىق ءىستى تەرگەپ ءبىتتى.

تەرگەۋ بارىسىندا 2019 جىلى ERTIS فۋتبول كلۋبىنىڭ ديرەكتورى سالىق ورگاندارىنا بۇرمالانعان دەرەكتەرى بار ماعلۇمدامانى ۇسىنعانى انىقتالدى. سول ارقىلى مەملەكەتكە 193 ملن استام تەڭگەگە تولەنبەگەن سالىق تۇرىندە زالال كەلدى. كلۋب ديرەكتورى 3 جىل بويى قارجى جانە كوممەرتسيالىق ۇيىمداردا باسشىلىق لاۋازىمدى اتقارۋ قۇقىعىنان ايىرىلا وتىرىپ، 1 جىلعا سوتتالدى.

قىلمىستىق كودەكستىڭ 245-بابىنا سايكەس، بيۋدجەتكە سالىق جانە وزگە دە تولەمدەردى وتەۋدەن جالتارعاندارعا 1 جىلدان 5 جىل مەرزىمگە دەيىن باس بوستاندىعىنان ايىرۋ جازاسى قاراستىرىلعان.

 

سوڭعى جاڭالىقتار

ەرتەڭىن ويلاعان ەكپە الادى

كوروناۆيرۋس • بۇگىن، 16:53

ۇقساس جاڭالىقتار