پارلامەنت • 17 ماۋسىم، 2021

ماۋلەن اشىمباەۆ قولجەتىمدى باسپانا ماسەلەسىندەگى ولقىلىقتار تۋرالى ايتتى

20 رەت كورسەتىلدى

«نۇرلى جەر» مەملەكەتتىك باعدارلاماسى اياسىندا سالىنىپ جاتقان قولجەتىمدى باسپانا قۇرىلىسىندا بىرقاتار پروبلەمالار انىقتالىپ وتىر. بۇگىن سەنات وتىرىسىندا ۇكىمەت پەن ەسەپ كوميتەتىنىڭ 2020 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپتەرىن قاراعان دەپۋتاتتار وسى ماسەلەگە نازار اۋداردى، دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.

باعدارلامانى ىسكە اسىرۋ كەزىندە الەۋمەتتىك از قامتىلعان وتباسىلارعا ارنالعان جالدامالى باسپانا قۇرىلىسى كوزدەلگەن كورسەتكىشتىڭ 50 پايىزىنا دا جەتپەگەن. رەسپۋبليكالىق ماڭىزى بار قالالاردا جۇمىس ىستەيتىن جاستارعا ارنالعان جالدامالى باسپانا سالۋ جۇمىسىندا دا جاعداي وسىنداي.

سەنات توراعاسى بۇل وتە وزەكتى ماسەلە ەكەنىن ايتىپ، مۇنداي كەمشىلىكتەردىڭ نەگىزگى سەبەپتەرىن اتاپ ءوتتى.

«بۇل بىرىنشىدەن، جوسپاردىڭ دۇرىس جاسالماعانىن كورسەتەدى. ياعني، الدىن الا ساراپتامالار ءتيىستى دەڭگەيدە جۇرگىزىلمەگەن دەگەن ءسوز. ەكىنشىدەن، مونيتورينگتىڭ ءالسىز بولعانىن بىلدىرەدى. مۇنداي الەۋمەتتىك ماڭىزى بار ىستە باقىلاۋ تۇراقتى ءارى كەشەندى تۇردە جۇرگىزىلۋى كەرەك. ۇشىنشىدەن، ساپا ماسەلەسى. ءۇيدىڭ باعاسىن ارزانداتامىز دەپ ساپا جاعىن تومەندەتىپ الدىق. وسىعان وراي حالىق تاراپىنان دا نارازىلىقتار تۋىپ جاتادى. مۇنداي ماسەلەلەردى شەشۋ ءۇشىن جۇيەلى جۇمىس جۇرگىزۋ كەرەك. بۇل رەتتە دەپۋتاتتار زاڭنامالىق تۇرعىدان قولداۋ كورسەتۋگە دايىن»، دەدى ماۋلەن اشىمباەۆ.

 

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار