«جاسىل ەل» ەڭبەك جاساعىنىڭ جىل سايىن ماڭىزى ارتىپ, تانىلا تۇسۋدە. ەلباسى نۇرسۇلتان نازارباەۆتىڭ باستاماسىمەن قۇرىلعان «جاسىل ەل» باعدارلاماسىنا بيىل 17 جىل تولىپ وتىر. اتىراۋ وبلىسىندا سوڭعى 5 جىلدا 8 مىڭنان استام جاس جۇمىسپەن قامتىلدى. وتكەن جىلى 1 مىڭنان اسا جاس «جاسىل ەل» باعدارلاماسىنا تارتىلدى. بۇل جوبا – ەڭ تابىستى جانە اۋقىمدى الەۋمەتتىك جوبالاردىڭ ءبىرى. بۇل – جاستارمەن جۇمىستىڭ وتە ماڭىزدى قۇرالى. جاستاردىڭ وتانعا دەگەن سۇيىسپەنشىلىگىن وياتىپ, وزدەرىن تۋعان جەردىڭ يەسى رەتىندە سەزىنۋگە جەتەلەيدى», دەدى باقىتگۇل حامەنوۆا.
وبلىستىق «جاسىل ەل» ەڭبەك جاساعىنىڭ جەتەكشىسى ابىلاي قۇرمەت ۇلىنىڭ مالىمەتىنشە, بيىل 1 مىڭنان استام جاس اتىراۋلىق جۇمىسقا تارتىلادى.
«جاڭا ماۋسىمعا تىركەۋ ونلاين-رەجيمدە جۇرگىزىلەدى. ەڭبەك جاساعىنا الىنعان جاستار قولعاپپەن, بەتپەردەمەن قامتاماسىز ەتىلەدى. ولار قاشىقتىقتى ساقتاپ, جۇمىس ىستەيدى. ەڭبەك جاساعى ساربازدارىنىڭ جالاقىسى 50 مىڭ تەڭگەدەن اسادى», دەيدى ابىلاي قۇرمەت ۇلى.
