ايماقتار • 16 ماۋسىم، 2021

قازاقستانداعى ەڭ ۇزىن كوپىردىڭ قۇرىلىسى باستالدى

167 رەت كورسەتىلدى

پرەزيدەنت قاسىم-جومارت توقاەۆتىڭ تاپسىرماسىنا سايكەس شىعىس قازاقستان وبلىسىنىڭ كۇرشىم اۋدانىندا بۇقتىرما سۋ قويماسى ارقىلى وتەتىن كوپىر قۇرىلىسىنىڭ كاپسۋلاسىن سالۋ ءراسىمى ءوتتى، دەپ حابارلايدى Egemen.kz.

ەكى جولاقتى اۆتوموبيل كوپىرى قۇيعان اۋىلىنىڭ جانىنداعى جاساندى سۋ قويماسىنىڭ ەڭ جىڭىشكە ۋچاسكەسىندە سالىنادى. جوبادا كورسەتىلگەندەي، كوپىردىڭ ۇزىندىعى 1،3 شاقىرىمنان اسادى.

قۇرىلىس اياقتالعان سوڭ كوپىر كۇرشىم مەن كوكپەكتى اۋداندارىن جالعايدى. مەردىگەر كومپانيا «وبلشىعىسجول» جشس قۇرىلىستى 2024 جىلعا دەيىن اياقتاۋى ءتيىس.

«ەل تاۋەلسىزدىگىنىڭ 30 جىلدىعى قارساڭىندا مەملەكەت باسشىسىنىڭ تاپسىرماسى بويىنشا بۇقتىرما سۋ قويماسى ارقىلى وتەتىن كوپىردىڭ قۇرىلىسى باستالادى. بۇل وبلىس تۇرعىندارى ءۇشىن كوپتەن كۇتكەن ماڭىزدى وقيعا. جوبانىڭ ستراتەگيالىق ماڭىزعا يە ەكەنى بەلگىلى. ول شەكارالاس اۋدانداردى وبلىستىڭ باسقا وڭىرلەرىمەن بايلانىستىرادى، جولاۋشىلار مەن جۇك تاسىمالى جەڭىلدەيدى»، دەدى كاپسۋلا سالۋ راسىمىندە وبلىس اكىمى دانيال احمەتوۆ.

سوڭعى جاڭالىقتار

جەڭىس داۋىسى

تاريح • كەشە

ەرتەڭىن ويلاعان ەكپە الادى

كوروناۆيرۋس • كەشە

ۇقساس جاڭالىقتار