ايماقتار • 16 ماۋسىم، 2021

اتىراۋدا الاياق 3 جىل بويى 100 ساعاتتان ءماجبۇرلى ەڭبەككە تارتىلادى

1044 رەت كورسەتىلدى

اتىراۋدا 20 جاسار الاياقتىڭ 3 جىلعا باس بوستاندىعى شەكتەلدى.  ەندى ول 3 جىل بويى جىل سايىن 100 ساعاتتان ءماجبۇرلى ەڭبەككە تارتىلادى، دەپ حابارلايدى Egemen.kz.

وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا، قالالىق  باسقارمانىڭ كەزەكشى بولىمىنە ە. ەسىمدى تۇرعىن شاعىم تۇسىرگەن.

«شاعىمدانۋشى ينتەرنەت جەلىسى ارقىلى بەلگىسىز ادامنىڭ جۇمىسقا ورنالاستىرۋعا ۋادە بەرىپ، ءوزىنىڭ اقشاسىن يەلەنىپ، قايتارماعانى جونىندە ايتقان. اتالعان دەرەككە قاتىستى قر قىلمىستىق كودەكسىنىڭ 190-بابىنىڭ 2-بولىگى، 4-تارماعى نەگىزىندە سوتقا دەيىنگى بىرقاتار تەرگەۋ ارەكەتى جۇرگىزىلدى. بىرنەشە مەكەمەگە سۇرانىس حاتتار جولداندى. ىزدەۋ شارالارىنىڭ ناتيجەسىندە كۇدىكتىنىڭ جەكە باسى انىقتالدى.

كۇدىكتىنىڭ بۇل ءبىرىنشى قۇربانى ەمەس ەكەن. ول اقپاراتتىق جۇيەنى پايدالانۋشىنىڭ سەنىمىن تەرىس پايدالانۋ جولىمەن بوتەننىڭ مۇلكىن جىمقىرۋ ماقساتىندا «Telegram» الەۋمەتتىك جەلىسىنە جۇمىسقا ورنالاستىرىپ بەرەمىن دەپ جارناما شىعارعان. «WhatsApp» الەۋمەتتىك جەلىسىنىڭ «ستاتۋس» بولىمىنە «ۆاكانسيا» دەپ كورسەتىپ قويعان» دەپ حابارلادى دەپارتامەنتتىڭ ءباسپاسوز قىزمەتى.

تەرگەۋ ناتيجەسىمەن ءىس سوتقا جولداندى. ال، سوت شەشىمىمەن ايىپتالۋشى كىنالى دەپ تانىلىپ، 3 جىل باس بوستاندىعىنان شەكتەلىپ، جىل سايىنعى 100 ساعاتتان ءماجبۇرلى ەڭبەككە تارتىلۋ جازاسى تاعايىندالدى.

 

سوڭعى جاڭالىقتار

جەڭىس داۋىسى

تاريح • كەشە

ەرتەڭىن ويلاعان ەكپە الادى

كوروناۆيرۋس • كەشە

ۇقساس جاڭالىقتار