ايماقتار • 16 ماۋسىم، 2021

ەلوردادا «Bus Lane» جولاعى تاعى ەكى كوشەدە ىسكە قوسىلادى

7 رەت كورسەتىلدى

ەلوردادا 20 ماۋسىمنان باستاپ ۇلى دالا داڭعىلى بويىندا ماڭگىلىك ەل داڭعىلى – 38 كوشەسى بولىگىندەگى ەكى باعىتتا «Bus Lane» جولاعى ىسكە قوسىلادى. بۇل تۋرالى ەلوردا اكىمدىگىنىڭ رەسمي سايتى حابارلايدى.

كۇن سايىن وندا 5 باعدار جۇرەدى: № 15، 15ا، 35، 54، 60. بۇل – 53 بىرلىك اۆتوبۋس.

سونىمەن قاتار، 26 ماۋسىمنان باستاپ ابىلاي حان داڭعىلىنداعى پۋشكين كوشەسى مەن مۇستافين كوشەسىنىڭ بولىگىنىڭ ەكى جاعىنداعى ارنايى جولاق ءوز جۇمىسىن باستايدى. ول جەرمەن 29 باعدار جۇرەدى (22 قالالىق جانە 7 قالا ماڭى): № 5، 5A، 8، 9، 11، 13، 14، 15، 15A، 18، 22، 22A، 23، 28، 31، 33، 40، 48، 60، 72، 73، 80، 304، 313، 315، 316، 318، 321، 322. بارلىعى – 259 اۆتوبۋس.

بۇدان باسقا، نۇر-سۇلتان قالاسى اكىمدىگىنىڭ پوليتسيا دەپارتامەنتىمەن بىرلەسىپ تۇران داڭعىلى بويىنشا قوناەۆ كوشەسى مەن سارايشىق كوشەسىنىڭ وڭ جاعالاۋ باعىتىنداعى بولىنگەن جولاقتى ەنگىزۋ جوسپارلانىپ وتىر. وندا 9 باعدار جۇرەدى: №№ 12، 32، 35، 46، 50، 53، 300، 305، 312. بارلىعى – 101 بىرلىك اۆتوبۋس.

ەستەرىڭىزگە سالا كەتەيىك، 29 مامىردان باستاپ تۇران داڭعىلىندا كەرەي-جانىبەك حاندار كوشەسىنەن سىعاناق كوشەسىنە دەيىن بولىنگەن «Bus Lane» جولاعى ىسكە قوسىلدى. اتالعان ۋچاسكەدە 5 باعداردىڭ قوزعالىسى ءۇشىن ارتىقشىلىق جاسالدى. ول: №40، 50، 51، 53، 61.

كولىك جۇرگىزۋشىلەرى وسى وزگەرىستەردى نازاردا ۇستاپ، قوزعالىس باعىتىن الدىن الا جوسپارلاۋى قاجەت.

ايتا كەتەيىك، نۇر-سۇلتان قالاسىندا «Bus Lane» جوباسى ۇزىندىعى 57،2 كم بولاتىن 22 جول ۋچاسكەسىندە جۇزەگە اسىرىلعان.

سوڭعى جاڭالىقتار

جەڭىس داۋىسى

تاريح • كەشە

ەرتەڭىن ويلاعان ەكپە الادى

كوروناۆيرۋس • كەشە

ۇقساس جاڭالىقتار