تەننيس • 15 ماۋسىم، 2021

تەننيسشىلەرىمىز جارىستى جەڭىسپەن باستادى

12 رەت كورسەتىلدى

تەننيسشىلەردىڭ پاريجدەگى «رولان گارروس» دوداسى اياقتالعان بەتتە الەمنىڭ بىرقاتار مەملەكەتتەرىندە باسقا دا تۋرنيرلەردىڭ شىمىلدىعى ءتۇرىلدى، دەپ جازادى Egemen.kz.

 

بەرليندە جۇلدە قورى 456 073 ەۆرونى قۇرايتىن جارىستا ەلەنا رىباكينا ونەر كورسەتۋدە. WTA رەيتينگىندە 21-ورىندا تۇرعان قازاقستاننىڭ ءبىرىنشى راكەتكاسى، ءوزىنىڭ تۇساۋكەسەر كەزدەسۋىندە امەريكالىق شەلبي رودجەرسپەن شەبەرلىك بايقاستى. اقش تەننيسشىسى ۇزدىكتەر تىزىمىندە 47-ساتىعا جايعاسقان. 1 ساعات 44 مينۋتكە سوزىلعان بۇل تارتىس رىباكينانىڭ پايداسىنا شەشىلدى. 

الەمنىڭ 37-راكەتكاسى الەكساندر بۋبليك جۇلدە قورى 1،2 ميلليون ەۆرودان اساتىن لوندونداعى تۋرنيردە كۇش سىناسۋدا. ول اتر رەيتينگىندە 61-ورىندى ەنشىلەپ وتىرعان فرانتسيالىق جەرەمي شارديمەن شەبەرلىك بايقاستى. بۇل ماتچتا جەرلەسىمىز 6:4، 3:6، 6:3 ەسەبىمەن جەڭىسكە جەتتى. كەلەسى كەزەڭدە بۋبليك ۇلىبريتانيانىڭ وكىلى دجەك درەيپەرمەن سايىسادى.

چەحياداعى «چەللەندجەر» دوداسىندا قازاقستاندىق الەكساندر نەدوۆەسوۆ جانە پورتۋگاليالىق گونسالو وليۆەيرا جۇبى ەكى سەتتىك سايىستا كورت قوجايىندارى – ەندريۋ پاۋلسون مەن پارتيك ريكلدەن ايلاسىن اسىردى – 6:4، 6:3.   

سوڭعى جاڭالىقتار

قورجىن تولا – قولا

TOKYO2020 • كەشە

الىمجەتتىك ازايعانىمەن...

قازاقستان • كەشە

تۋريستكە دە ءتارتىپ بار

ايماقتار • كەشە

ۇقساس جاڭالىقتار