ايماقتار • 15 ماۋسىم، 2021

ورالدا يساتاي مەن ماحامبەت اتىنداعى كاتەرلەر سۋعا ءتۇستى

13 رەت كورسەتىلدى

ورال قالاسىنداعى «زەنيت» زاۋىتى حالىق باتىرلارى يساتاي تايمان ۇلى مەن ماحامبەت وتەمىس ۇلى اتىنداعى كۇزەت كاتەرلەرىن سۋعا ءتۇسىردى، دەپ جازادى Egemen.kz

فوتو: رافحات حالەلوۆ

«قايسار» جوباسى بويىنشا قۇراستىرىلعان بۇل شاعىن كەمەلەر كاسپي تەڭىزىندە قىزمەت اتقارماق.

زاۋىت ءنومىرى №1 جانە №2 دەپ تاڭبالانعان قوس كاتەردىڭ سۋعا ءتۇسىرۋ سالتاناتى ورال تۇرعىندارى ءۇشىن ادەتتەگىدەي مەرەكە بولىپ ءوتتى.

– بۇل قوس كاتەر «زەنيت» زاۋىتى ۇجىمىنىڭ ەسەلى ەڭبەگىنىڭ ناتيجەسى. 1993 جىلدان بەرى وتانىمىزدىڭ قورعانىس قابىلەتىن نىعايتىپ، جىل سايىن تەڭىز شەكارامىزدى قورعاۋعا 1-2 كەمە شىعارىپ كەلەدى. بۇگىن سۋعا تۇسكەن كاتەرلەر سۋداعى شەكارامىز بەن قازاقستاننىڭ ەكونوميكالىق مۇددەسىن قورعايدى، تەررورلىق اكتىلەردىڭ الدىن الادى، زاڭسىز بالىق اۋلاۋشىلاردى قۇرىقتايدى، تەڭىزدە رۇقساتسىز تاۋار تاسۋشىلاردىڭ جولىن كەسەدى. تەڭىزشىلەر ەل مۇددەسىنە كەرەك ستراتەگيالىق مىندەتتەردى جۇزەگە اسىرىپ وتىر. ءبىزدىڭ «زەنيت» زاۋىتى – ەلىمىزدە كاتەر مەن كەمە جاسايتىن جالعىز كاسىپورىن. مەن ونىڭ بولاشاعى جارقىن بولارىنا سەنەمىن، – دەدى باتىس قازاقستان وبلىسىنىڭ اكىمى عالي ەسقاليەۆ.

ۆ

كۇزەت كاتەرىنىڭ بەس قارۋى ساي، ءۇش تاۋلىك بويى ەش جەرگە سوقپاي جۇرە الادى. ۇزىندىعى 14 مەترلىك كاتەردىڭ سۋداعى سىيىمدىلىعى 15 توننا. كاتەردىڭ ءوز ەكيپاجى 4 ادامنان تۇرسا، قوسىمشا تاعى 4 ادامدى جولاۋشى رەتىندە الا الادى. 3 باللدىق تەڭىز تولقىنىنا شىداس بەرەتىن بۇل سۋ كولىگى ساعاتىنا 35 ۋزل، ياعني 65 شاقىرىمعا دەيىن جىلدامدىقپەن جۇزە الادى.

- بۇگىن ءبىزدىڭ شەكارا قىزمەتى ءۇشىن وتە ەرەكشە كۇن. بۇل كاتەرلەرگە باتىر اتالارىمىزدىڭ ەسىمى بەرىلگەنى دە ءبىز ءۇشىن وتە قۋانىشتى بولىپ تۇر. «زەنيت» زاۋىتى العاشقى كۇننەن بەرى قازاقستان رەسپۋبليكاسىنىڭ كاسپي تەڭىزىندەگى شەكاراسىن قورعاۋ ىسىنە ۇلكەن ۇلەس قوسىپ كەلەدى، - دەدى ۇلتتىق قاۋىپسىزدىك كوميتەتى شەكارا قىزمەتىنە قاراستى شەكارا قورعاۋ دەپارتامەنتىنىڭ جاعالاۋ كۇزەتى باسقارماسىنىڭ باستىعى 1 رانگالى كاپيتان سابىر حاسانوۆ.

 

باتىس قازاقستان

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار