ايماقتار • 15 ماۋسىم، 2021

سولتۇستىكتە 40 باس جىلقى ۇرلاعان كۇدىكتىلەر ۇستالدى

12 رەت كورسەتىلدى

سولتۇستىكقازاقستاندىق پوليتسەيلەر 40 باس جىلقىنى ۇرلاۋ ءىسىن سوتقا جولدادى، دەپ حابارلايدى Egemen.kz.

2020 جىلعى 19 قاراشادا ءۋاليحانوۆ اۋدانىنىڭ پوليتسيا بولىمىنە شالعايداعى قازانعاپ اۋىلىنىڭ تۇرعىنىنان ەركىن جايىلىمنان 40 جىلقىنىڭ جوعالعانى تۋرالى حابارلاما تۇسكەن. جابىرلەنۋشى ولاردى بىرنەشە كۇن بويى ءوزى ىزدەگەن، كەيىن ۋچاسكەلىك پوليتسيا ينسپەكتورىنا جۇگىنگەن. كەلتىرىلگەن شىعىن سوماسى 15 ميلليون تەڭگەدەن استام.

اتالعان فاكتى قر قىلمىستىق كودەكسىنىڭ 188-1-بابى «مال ۇرلىعى» بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى. سقو پد باستىعىنىڭ ورىنباسارى رۋسلان نازاروۆتىڭ ايتۋىنشا، سقو پد كريمينالدىق پوليتسيا باسقارماسى مەن اۋداندىق پب تاجىريبەلى قىزمەتكەرلەرى سانىنان جەدەل-تەرگەۋ توبى قۇرىلعان. مال ۇرلىعى بويىنشا باعدار وبلىستىڭ اۋماقتىق پوليتسيا بولىنىستەرى مەن ەلىمىزدىڭ پوليتسيا دەپارتامەنتتەرىنە جولدانادى.

جەدەل-ىزدەستىرۋ ءىس-شارالارى ناتيجەسىندە ۇقساس بەلگىلەرى بويىنشا ەكى جىلقى كورشىلەس اقمولا وبلىسىنىڭ زەرەندى اۋدانى تۇرعىندارىنىڭ ءبىرىنىڭ قوسالقى شارۋاشىلىعىنان تابىلعان. سالىنعان تاڭبا جانۋارلاردىڭ جابىرلەنۋشىگە تيەسىلىگىن راستادى. ودان ءارى جۇرگىزىلگەن جەدەل ءىس-شارالار بۇل جىلقىلاردى تۋىسىنا تاستاپ كەتكەن 53 جاستاعى بۋراباي اۋدانىنىڭ ىزىنە تۇسۋگە مۇمكىندىك بەردى. جەدەل ۋاكىلدەر ءىستىڭ ءمان-جايىن تارقاتا كەلە 35 پەن 50 جاس ارالىعىنداعى اقمولا وبلىسىنىڭ ءۇش تۇرعىنى مەن ەكى سولتۇستىكقازاقستاندىقتى اشكەرەلەدى. كۇدىكتىلەردىڭ بارلىعى دا تابىنشىلار. تەرگەۋ جارتى جىلدان استام ۋاقىتقا سوزىلدى، ۇستالعاندار وزدەرىنىڭ قاتىستىلىعىن جوققا شىعارىپ، بەرگەن جاۋاپتارىن بىرنەشە رەت وزگەرتكەن. دەگەنمەن، جەدەل-تەرگەۋ توبىنىڭ كوپ تەر توگۋىنىڭ ارقاسىندا قىلمىستىڭ ءمان-جايىن انىقتاۋ مۇمكىن بولدى. بىرنەشە كۇن كۇدىكتىلەر اۋىسىپ وتىرىپ، ۇرلانعان جىلقىلاردى اقمولا وبلىسىنا ايداپ اپارىپ، سول جەردە بولگەن. قازىرگى ۋاقىتتا ماتەريالدار سوتقا تاپسىرىلدى.

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار