ايماقتار • 15 ماۋسىم، 2021

نۇر-سۇلتاندا وقشاۋلاۋ رەجيمىن بۇزعاندارعا ايىپپۇل سالىنادى

9 رەت كورسەتىلدى

قالا تۇرعىندارى كارانتين جانە وقشاۋلاۋ رەجيمىن بۇزعان جاعدايدا جاۋاپكەرشىلىككە تارتىلاتىن بولادى. ايىپپۇل سوماسى شامامەن 90 مىڭ تەڭگەنى (30 اەك) قۇرايدى، دەپ حابارلايدى Egemen.kz.

بۇگىنگى تاڭدا «Ashyq» جوباسىنا قاتىساتىن كاسىپكەرلىك نىساندارى ارقىلى ءۇي كارانتينىن بۇزعان 3550 ادام انىقتالدى. ولاردىڭ ىشىندە «قىزىل» ستاتۋسى بار، ياعني COVID-19 جۇقتىرعان 1651 كەلۋشى، «سارى» ستاتۋسى بار 1899 ادام انىقتالدى. ەلوردا اكىمى التاي كولگىنوۆتىڭ باسشىلىعىمەن نۇر-سۇلتان قالاسى اكىمدىگىنىڭ قالالىق شتابىنىڭ وتىرىسىندا كوروناۆيرۋستىق ينفەكتسيانىڭ تارالۋىنىڭ الدىن الۋ ماسەلەلەرى قارالدى.

كارانتيندىك شارالاردى ساقتاۋ بويىنشا مونيتورينگ توپتارىنا جۇمىستى كۇشەيتۋ تاپسىرىلدى. سونىمەن قاتار ءموبيلدى توپتار «Ashyq» جوباسىنا قاتىساتىن كاسىپكەرلىك نىساندارىنىڭ جۇمىسىن تەكسەرەدى. كارانتيندىك شارالار بۇزىلعان جانە ساقتالماعان جاعدايدا نىساندار جابىلادى.

سونىمەن قاتار وقشاۋلاۋ رەجيمىن بۇزاتىن جانە ادام كوپ جينالاتىن ورىندارعا باراتىن ازاماتتار دا جاۋاپكەرشىلىككە تارتىلادى. ايىپپۇل سوماسى شامامەن 90 مىڭ تەڭگەنى (30 اەك) قۇرايدى.

«كوروناۆيرۋس كورسەتكىشى ازايىپ جاتقانىنا قاراماستان قالا ءالى دە «قىزىل» ايماقتا. سىرقاتتانۋشىلىقتىڭ تومەندەۋى ۆاكتسيناتسيا ەسەبىنەن ءجۇرىپ جاتىر. ۆاكتسيناتسيالانعانداردىڭ سانىن كوبەيتىپ، ۇجىمدىق يممۋنيتەتتى قالىپتاستىرا وتىرىپ، ءبىز كوروناۆيرۋستى جەڭە الامىز.

مۇنداي جاۋاپسىزدىعىنان جاقىندارىنا قاۋىپتى ىندەتتى جۇقتىرۋى مۇمكىن ەكەنىن ەسكەرمەيدى. ولاردىڭ اعزاسى كوروناۆيرۋستى جەڭە الاتىنىنا كەپىلدىك جوق. سوندىقتان ءبىز قاتاڭ شارالار قابىلداۋعا ءماجبۇرمىز. مۇنىڭ ءبارى قالا تۇرعىندارى مەن ەلوردامىزدىڭ قاۋىپسىزدىگى ءۇشىن جاسالىپ جاتىر»، دەدى نۇر-سۇلتاننىڭ باس مەملەكەتتىك سانيتارلىق دارىگەرى سارقات بەيسەنوۆا.

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار