قازاقستان • 15 ماۋسىم، 2021

اۋىل شارۋاشىلىعى مينيسترلىگىنە قاتىستى تەرگەۋ باستالدى

466 رەت كورسەتىلدى

قازاقستان رەسپۋبليكاسى اۋىل شارۋاشىلىعى مينيسترلىگىنىڭ ءىس-ارەكەتىنەن باسەكەلەستىكتى شەكتەيتىن بەلگىلەر انىقتالدى، دەپ حابارلايدى Egemen.kz.

«باسەكەلەستىكتى قورعاۋ جانە دامىتۋ اگەنتتىگى (بقدا) قۇس فابريكالارىنىڭ وتىنىشتەرىن قاراۋ قورىتىندىلارى بويىنشا اۋىل شارۋاشىلىعى مينيسترلىگىنە (اشم) قاتىستى مەملەكەتتىك ورگاننىڭ باسەكەلەستىككە قارسى ءىس-قيمىل بەلگىلەرى بويىنشا تەرگەۋدى باستادى. مونوپولياعا قارسى زاڭنامانى قر اشم تاۋىق جۇمىرتقاسىن وندىرۋشىلەرگە سۋبسيديالاردى ءبولۋ كەزىندە بۇزعانى انىقتالدى»، دەلىنگەن بقدا حابارلاماسىندا.

قۇزىرلى ۆەدومستۆاداعىلار تەرگەۋ ناتيجەلەرى بويىنشا ءتيىستى باعا بەرىلەتىنىن جەتكىزدى.

«بۇدان بولەك، باسەكەلەستىكتى قورعاۋ جانە دامىتۋ اگەنتتىگىنە كەلىپ تۇسكەن ءوتىنىشتىڭ نەگىزىندە قر اشم اۋىل شارۋاشىلىعى جانۋارلارىن سايكەستەندiرۋ ەرەجەلەرىنە تالداۋ جۇرگىزىلدى، وندا مالعا ارنالعان سايكەستەندiرۋ قۇرالدارىن (قۇلاق سىرعالارىن) الەۋەتتى جەتكىزۋشىلەرiنە قويىلاتىن تالاپتار قامتىلعان. بەلگىلى بولعانداي، بۇل ەرەجەلەر الەۋەتتى جەتكiزۋشiلەردiڭ مەملەكەتتىك ساتىپ الۋلارعا قاتىسۋىن شەكتەيدi، ويتكەنى وندا اۋىل شارۋاشىلىعى جانۋارلارىن سايكەستەندiرۋ جۇرگىزۋگە ارنالعان قۇرالدى سەرتيفيكاتتالعان ءونىمى جانۋارلار تۋرالى جازبالاردى جۇرگىزۋ جونىندەگى حالىقارالىق ۇيىمنىڭ (ICAR) ينتەرنەت-رەسۋرسىندا ۇسىنىلعان وندىرۋشىلەر دايىندايدى دەلىنگەن. ال قازاقستان نارىعىندا ونىمدەرى ICAR ينتەرنەت-رەسۋرسىندا كورسەتىلمەگەن مالعا ارنالعان قۇلاق سىرعالارىن وندىرۋشىلەر بار»، دەيدى اگەنتتىكتىڭ ءباسپاسوز قىزمەتى.

انىقتالعان فاكتىلەر نەگىزىندە قر اشم-عا مونوپولياعا قارسى زاڭنامانى بۇزۋ بەلگىلەرىن جويۋ تۋرالى ەسكەرتۋ ەنگىزىلگەنى اتاپ وتىلەدى.

«ەسكەرتۋ زاڭنامادا بەلگىلەنگەن مەرزىمدە ورىندالماعان جاعدايدا اگەنتتىك تەرگەپ-تەكسەرۋدiڭ جۇرگiزiلۋiنە باستاماشىلىق ەتەدi»، دەپ اتاپ كورسەتتى بقدا.

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار