15 ماۋسىم، 2021

الاكولگە اپاراتىن جولاۋشىلار پويىزى جولعا شىقتى

26 رەت كورسەتىلدى

2021 جىلدىڭ 15 ماۋسىمىنان باستاپ «الماتى - دوستىق» باعىتىنداعى جاڭا جولاۋشىلار پويىزى ىسكە قوسىلدى. پويىز اپتاسىنا 2 رەت جۇرەدى، دەپ حابارلايدى Egemen.kz.

سونىمەن قاتار 2021 جىلدىڭ 18 ماۋسىمىنان باستاپ «الماتى-دوستىق» باعىتى بويىنشا اپتاسىنا 3 رەت تاعى ءبىر جولاۋشىلار پويىزىن شىعارۋ جوسپارلانىپ وتىر.

سونداي-اق نۇر-سۇلتان قالاسىنان قولدانىستاعى جولاۋشىلار پويىزدارىنىڭ سحەماسى كەمىندە 2 ۆاگونعا ۇلعايتىلاتىن بولادى (№258/257 نۇر-سۇلتان-دوستىق، №54/53 نۇر-سۇلتان-دوستىق).

جولاۋشىلار اعىنى ارتقان سايىن تىركەمەلى ۆاگونداردىڭ سانى مەزگىل-مەزگىلىمەن كوبەيەتىن بولادى.

بۇگىن الاكول كولى باعىتى بويىنشا كەلەسى مارشرۋتتار ۇيىمداستىرىلدى:

نۇر-سۇلتاننان:

- № 54/53 «نۇر-سۇلتان نج-دوستىق» (جىل بويى)، «جولاۋشىلار تاسىمالى» اق تاسىمالداۋشىسى (دۇيسەنبى، جۇما);

- №258/257 «نۇر-سۇلتان-1-دوستىق» (20.06.21 ج. باستاپ)، «جولاۋشىلار تاسىمالى» اق تاسىمالداۋشى (بەيسەنبى، جەكسەنبى);

- «نۇر-سۇلتان-1-دوستىق» №122/6942/6941/121 (جىل بويى) پويىزدارىنداعى تىكەلەي ۆاگوندار، «ارايترانسKZ» جشس تاسىمالداۋشىسى (جۇپ كۇندەرى).

الماتىدان:

- №453/454 «الماتى-2-دوستىق» (جازعى 18.06.21 ج. باستاپ) تاسىمالداۋشى «تۇران ەكسپرەسس «وك» جشس (دۇيسەنبى، سارسەنبى، جۇما);

- №21/6942/6941/22 الماتى-1-دوستىق (جازعى) پويىزدارىنداعى تىكەلەي قاتىنايتىن ۆاگوندار، تاسىمالداۋشى «جولاۋشىلار تاسىمالى» اق (جۇپ كۇندەرى). 

«ايتا كەتۋ كەرەك، الاكول كۋرورتتىق ايماعىنا بيلەت ساتۋ بويىنشا جاعداي تۇراقتى باقىلاۋدا. تەمىرجول بيلەتتەرىن ساتۋدىڭ ەلەكتروندىق جۇيەسى جەتىلدىرىلگەن. بيلەتتەردى ساتىپ الۋ پروتسەسى اشىق، بيلەتتەردى ساتۋمەن بايلانىستى زاڭسىز ارەكەتتەر جاساۋ مۇمكىن ەمەس. جول ءجۇرۋ قۇجاتتارىن ساتۋدى اشۋ كەزىندە تۋروپەراتورلار بيلەتتەردى جالپى نەگىزدەردە ساتىپ الادى، ال جولاۋشىلار توبىنا جول ءجۇرۋ قۇجاتتارىن ساتۋدى ۇيىمداستىرۋ جەكە جانە زاڭدى تۇلعالاردىڭ جازباشا ءوتىنىمى بويىنشا ورىندار بولعان كەزدە پويىز جونەلتىلگەنگە دەيىن كەمىندە 45 تاۋلىكتەن 6 تاۋلىككە دەيىن جۇرگىزىلەدى»، دەلىنگەن يدم حابارلاماسىندا.

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار