11 ماۋسىمدا ۆاز-21150 اۆتوكولىگىنىڭ 35 جاستاعى جۇرگىزۋشىسى «اۆياقالاشىق» اۋدانىندا قر جقە بۇزعان كامەلەتكە تولماعان جاياۋ جۇرگىنشىنى قاعىپ كەتتى. ول جولدىڭ ءجۇرۋ بولىگىن سولدان وڭعا قاراي كولىك قۇرالىنىڭ قوزعالىسى بويىمەن, جاياۋ جۇرگىنشىلەر وتكەلىنەن تىس جەردە ءجۇرىپ وتكەن. جول اپاتى سالدارىنان 11 جاستاعى بالا اقتوبە قالاسىنداعى بالالار اۋرۋحاناسىنا جاتقىزىلدى.
– جاياۋ جۇرگىنشىلەر تروتۋارمەن نەمەسە جاياۋ جۇرگىنشىلەرگە ارنالعان جولمەن, ال ولار بولماعان جاعدايدا جول جيەكتەرىمەن ءجۇرۋى ءتيىس. رەتتەلمەيتىن جاياۋ جۇرگىنشىلەر وتكەلدەرىندە جاياۋ جۇرگىنشىلەر الداعى وتكەلدىڭ قاۋىپسىزدىگىنە كوز جەتكىزگەننەن كەيىن عانا كولىك جۇرەتىن جولعا شىعا الادى, – دەدى وبلىستىق پد باستىعى اتىعاي ارىستانوۆ.
