ايماقتار • 15 ماۋسىم، 2021

جۇرگىزۋشى كۋالىگىن الۋ نەگە قيىن؟

20 رەت كورسەتىلدى

ورال قالاسىندا حالىققا قىزمەت كورسەتۋ ورتالىقتارى «Ashyq» قوسىمشاسى بويىنشا قىزمەت كورسەتۋگە كىرىستى. وسى كەزگە دەيىن ورتالىقتار كەلۋشىلەردى الدىن الا جازىلۋ بويىنشا قابىلداسا، ەندى «Ashyq» قوسىمشاسى «قاۋىپسىز» دەپ كورسەتكەن كليەنتتەر برون جاساماي-اق كىرە الاتىن بولدى.

ال ورال قالاسىنداعى مامانداندىرىلعان حالىققا قىزمەت كورسەتۋ ورتالىعىنا بيىل جىل باسىنان بەرى 50 مىڭعا جۋىق باتىسقازاقستاندىق تۇرعىن جۇگىنگەن. العاش رەت جۇرگىزۋشى كۋالىگىن الۋعا 10 مىڭداي ادام ءوتىنىش تاپسىرسا، ونىڭ 1400-ءى ەمتيحاننان سۇرىنبەي ءوتىپ، ءوز قۇجاتىن العان.

اشىلعانىنا بىرنەشە جىل بولعان مامانداندىرىلعان حقو-دا اۆتوكولىككە قاتىستى بارلىق قۇجات جاسالادى. مۇندا جۇرگىزۋشى كۋالىگىن العاش راسىمدەۋشىلەر ەمتيحان سىناعىنان وتە الادى. تەوريالىق جانە پراكتيكالىق ەمتيحان تاپسىرۋشى ۇمىتكەر ەمتيحاننان ءساتسىز وتكەن جاعدايدا، تاعى ەكى مۇمكىندىگىن سىناي الادى. بۇل – جۇرگىزۋشىلىككە ءوز بەتىمەن دايىندالعاندارعا ارنالعان تالاپ. ال اۆتومەكتەپ بىتىرگەنى تۋرالى كۋالىگى بار ۇمىتكەرلەر ءۇشىن مۇنداي مۇمكىندىك سانى شەكتەۋسىز.

«بىزگە اۆتوقىزمەتتەردى راسىمدەۋ ءۇشىن ورالدىقتار عانا ەمەس، جاقىن جەردەگى اۋداندار مەن قالا تۇرعىندارى دا كەلەدى. اۆتوكولىكتى ساتۋ-ساتىپ الۋ كەزىندە الۋشى مەن ساتۋشى قاتار كەلەتىنىن ەسكەرسەك، بولىمگە كەلۋشىلەر سانى ەكى ەسەگە ارتادى. ءبىزدىڭ ماماندار ورتالىقتا كۇنىنە شامامەن 400-500 قىزمەت كورسەتەءدى. ودان بولەك 1 مىڭعا جۋىق ادام كەلىپ كەڭەس الادى»،  دەيدى «ازاماتتارعا ارنالعان ۇكىمەتتىڭ» بقو بويىنشا فيليالى ديرەكتورى نادير قۇرىمباەۆ.

ايتا كەتەيىك، ورتالىقتا تەوريالىق جانە پراكتيكالىق ەمتيحان تاپسىرۋ جۇيەسى تولىقتاي اۆتوماتتاندىرىلعان. جول ءجۇرۋ ەرەجەلەرى بويىنشا ەمتيحاندا ۇمىتكەرگە 40 سۇراق بەرىلەدى، ءوتۋ ءۇشىن 32 بالل جينالسا جەتكىلىكتى. پراكتيكالىق ەمتيحان جول قوزعالىسىن تىركەپ وتىراتىن ارنايى جابدىعى بار اۆتوكولىكتە تاپسىرىلادى.

«جۇرگىزۋشى كۋالىگىن الۋ وڭاي ەمەس. مىسالى بىزگە كۇنىنە 100 ادام ەمتيحان تاپسىرۋعا كەلسە، سونىڭ 20-25 پايىزى عانا ءتيىستى ۇپاي جينايدى. ال پراكتيكالىق ەمتيحاننان شامامەن 15 پايىزى عانا وتەدى. بيىلعى 25 قاڭتاردان باستاپ ەمتيحان تاپسىرۋشىلار سىناق كەزىندە اۆتوكولىكتى بۇلدىرسە، كەلتىرگەن شىعىندى وتەيتىندىگى جونىندە مىندەتتەمەگە قول قوياتىن بولدى. ويتكەنى تاجىريبەسىز جۇرگىزۋشىلەردىڭ اراسىندا ساسقالاقتاپ، بورديۋرعا شىعىپ كەتەتىندەرى ءجيى كەزدەسەدى»، دەيدى مامانداندىرىلعان حالىققا قىزمەت كورسەتۋ ورتالىعىنىڭ باسشىسى لۋيزا قۇسايىنوۆا.

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

ۇقساس جاڭالىقتار