ايماقتار • 15 ماۋسىم، 2021

بوندارەنكونىڭ بەتموبيلى

46 رەت كورسەتىلدى

تەمىرتاۋ قالاسىندا ون ساۋساعىنان ونەرى تامعان ەۆگەني بوندارەنكو دەگەن ازامات تۇرادى. ءوزى ونلاين-ساۋدا سالاسىندا جۇمىس ىستەگەنىمەن، بوس ۋاقىتىنىڭ باسىم بولىگىن تەحنيكانىڭ ءتىلىن مەڭگەرۋگە ارنايدى.

تاياۋدا ول بەتمەن تۋرالى فيلم مەن كريستوفەر نولاننىڭ «تيومنىي رىتسار» حيكاياسىنان العان اسەرى بويىنشا بەتمو­بيل قۇراس­تىرىپ شىعاردى. بۇل شا­رۋاعا ول ءۇش جىلعا جۋىق ۋاقىتىن سارپ ەتكەن.

ەۆگەني مۇنداي قىزىعۋ­شى­لىقتىڭ بالا كەزىنەن شىم-شى­تىرىققا تولى فانتاستيكالىق فيلم­دەر مەن كوميكستەردى جاقسى كور­گەنىنەن باستالعانىن ايتادى.

– مەن قيالىمداعى بەتمو­بيل­دىڭ جوباسىن الدىمەن ۇي­دەگى ەدەنگە سالدىم. سودان كەيىن بارىپ ونى ءىس جۇزىندە جاساپ شىعارۋدىڭ جولدارىن ويلاستىردىم. بەتموبيلدى قۇراستىرۋدى «فورد» جۇك كولى­گىنىڭ ارتقى بەل­دىگىن پايدالانۋدان باستادىم. سودان كەيىن باسقا كولىكتەردىڭ قوسالقى بولشەكتەرىن قولدانا باس­تادىم، – دەيدى شەبەر.

نەگىزىندە، بوندارەنكونىڭ بەتموبيلى ءالى تولىق جاسالىپ بىتكەن جوق. سوعان قاراماستان ول قازىردىڭ وزىندە جۇرۋگە جارامدى. ەندى جوبا  اۆتورى تۋىندىسىن تەست-درايۆ سىناعىنان وتكىزبەكشى.

بەتموبيل جاسالىپ بىتكەننەن كەيىن ەۆگەني ءوزىنىڭ كورگەن جاندى ەلەڭ ەتكىزەتىن ەرەكشە كولىگىمەن كورمەلەرگە قاتىسۋدى ويلاستىرىپ ءجۇر. جارناما جاساۋعا پايدالانۋ دا جوسپاردا بار.

الداعى ۋاقىتتا تەمىرتاۋلىق شەبەر جول تالعامايتىن كولىك قۇراس­تىرۋدى قولعا العىسى كەلە­تىنىن ايتادى.

 

قاراعاندى وبلىسى،

تەمىرتاۋ قالاسى

 

سوڭعى جاڭالىقتار

ەرتەڭ ۇكىمەت وتىرىسى وتەدى

ۇكىمەت • بۇگىن، 15:00

ۇقساس جاڭالىقتار