سپورت • 15 ماۋسىم، 2021

تاۋەلسىزدىك قۇرداسى 3000 شاقىرىمدى 34 كۇندە ۆەلوسيپەدپەن ءجۇرىپ ءوتتى

22 رەت كورسەتىلدى

ەلىمىزدە «تاۋەلسىزدىك ۇرپاقتارى» جالپى­ۇلتتىق جوباسى ءوتىپ جاتىر. وسى باستاماعا جەتىسۋلىق المات بالتابەكوۆ تە ءوزىنىڭ ازامات­تىق ۇلەسىن قوسىپ، نۇر-سۇلتان قالاسىنان تالدىقورعان قالاسىنا دەيىن ۆەلوسيپەدپەن ءجۇرىپ ءوتتى.

ەلوردادان باستالعان الماتتىڭ ساپارى ەلىمىزدىڭ وڭتۇستىك وڭىرلەرىن ارالاۋمەن جالعاسقان. ول 3 مىڭ شاقىرىمدى 34 كۇندە ءجۇرىپ ءوتىپ، ۆەلوسيپەدشىلەر مارافونىنا قاتىسۋشىلاردىڭ اراسىندا رەكوردتى دا جاڭارتىپ وتىر. تاۋەلسىزدىك قۇرداسى نۇر-سۇلتان قالاسىنان شىققاننان كەيىن قورعالجىن، ۇلىتاۋ اۋداندارى مەن قىزىلوردا، تۇركىستان، شىمكەنت، جەتىساي، تاراز، الماتى قالالارىنا سوعىپ، جال­پى­­­ۇلتتىق جوباعا قوسقان ءوز ۇلەسىنىڭ نۇكتەسىن تال­دى­قورعان قالاسىنا كەلىپ قويدى.

– مەن بۇرىن جول توسىپ، ساياحاتتاۋمەن اۋەس­تەن­دىم. كەيىن ىشكى ءتۋريزمدى دامىتۋعا جانە سپورت­تى ناسيحاتتاۋعا باعىتتالعان وسىنداي پاتريوتتىق ۆەلوتۋرعا شىعۋ تۋرالى ويلادىم. وسى ساپارىمدى ەل تاۋەلسىزدىگىنىڭ مەرەيلى مەرەكەسىنە ارناۋدى ۇيعاردىم. ەلىمىزدىڭ وڭىرلەرىن ارالاعان كەزدە جەر­گىلىكتى تۇرعىندارمەن ارالاسۋعا، تابيعات تاماشالارىن كورىپ ۇلگەرۋگە تىرىستىم. ەل تاۋەلسىزدىگىنىڭ وتىز جىلىنداعى جەتىستىكتەرىنە كۋا بولدىم. العان اسەرىمدى «ينستاگرام» پاراقشاسىندا ءبولىسىپ وتىردىم. مەنى حالقىمىزدىڭ قوناقجايلىلىعى ءتانتى ەتتى. قاي جەرگە بارسام دا، بەيتانىس ادامدار مەنى قۇرمەتتى قوناعىنداي قارسى الدى، – دەيدى المات.

ايتپاقشى، المات بالتابەكوۆ ءى.جانسۇگىروۆ اتىنداعى جەتىسۋ ۋنيۆەرسيتەتىندە «پسيحولوگيا» ماماندىعى بويىنشا وقىعان ەكەن. ول قازىر نۇر-سۇلتان قالاسىنداعى پسيحيكالىق دەنساۋلىق ورتالىعىندا جۇمىس ىستەيدى.

 

الماتى وبلىسى

سوڭعى جاڭالىقتار

ەرتەڭ ۇكىمەت وتىرىسى وتەدى

ۇكىمەت • بۇگىن، 15:00

شاپپا شوت پەن «قۇيرىقتى» پىشاق

ايماقتار • بۇگىن، 08:32

جاڭاوزەندەگى جىلىجاي

ايماقتار • بۇگىن، 08:30

ۇقساس جاڭالىقتار