ايماقتار • 15 ماۋسىم، 2021

تارباعاتاي قازىناسى

22 رەت كورسەتىلدى

ءۇرجار ءوڭىرىن تابيعاتتىڭ انىق بوياۋى دەۋگە ابدەن بولادى. ءبىر جاعى جازيرالى دالا بولسا، ەندى ءبىر جاعى كوكجيەككە كولدەنەڭ ءتۇسىپ جاتقان تارباعاتاي اسۋلارى. وسى تارباعاتاي سىلەمدەرىندە جابايى الما ورماندارى بار. اتالعان ورمان­دارداعى جابايى الما اعاشتارىنىڭ جەمىس ءتۇيىنىن پىسكەن مەرزىمدە جەۋگە بولادى.

جالپى ءۇرجار اۋدانىنىڭ تاۋلى بولىگىنىڭ وسىمدىكتەرى مەن توپىراقتارى بيىكتىك بەلدەۋگە سايكەس تاراعان. مۇندا تاۋلىق كۇلگىن، تاۋلىق شالعىندى تو­پىراق بەلدەمدەرىندە شال­عىن­دى شوپتەر، وزەن بويلارىندا قايىڭ، تەرەك، جابايى الما، ءارتۇرلى جەمىستەر مەن جيدەكتەر، تاۋ ەتەكتەرىندە سەلەۋلى-بەتەگەلى شوپتەر، شولەيتتى بولىگىندە جۋسان، بۇيىرعىن، كوكپەك، بايالىش، جۇزگىن، شي، ت.ب. وسەدى. مامىر ايىندا دا جاتاتىن تارباعاتاي بيىكتەرىندەگى قار، كۇن ىسي تاۋ ەتەكتەرىنە قاراي جىلعالاپ ەرىپ اعادى.

ال تاۋدا جانۋارلار دۇنيە­سىنەن تيان-شيان قوڭىر ايۋى، ارقار، مارال، قاسقىر، تۇلكى، قويان، ەلىك، بورسىق، قۇستاردان قۇر، ءشىل، قارعا، ساۋىسقان، كوگەرشىن، وزەن بويلارى مەن كولدەردە قاز، ۇيرەك، تىرنالار مەكەندەيدى. وسى بايلىقتى ساقتاپ قالۋ ءۇشىن اتسالىساتىن بىردەن-ءبىر مەكەمە – «تارباعاتاي» ۇلتتىق مەملەكەتتىك تابيعي پاركى. پارك اۋداننىڭ وركەندەۋىنە ۇل­كەن ۇلەسىن قوسىپ، تابيعاتتى قور­عاپ، قىزىل كىتاپقا ەنگەن جان-جانۋارلاردىڭ ءوسىپ-ونۋىنە مول ىقپال ەتۋدە.

ءار جان ءوز ءوڭىرىنىڭ تا­بيعاتىن قورعاۋعا مىندەتتى. تابيعات دەگە­نىمىز – ءبىزدى قور­شا­عان ورتا: جان-جانۋارلار مەن وسىمدىكتەر قورى. ال «تارباعاتاي» ۇلتتىق مەملە­كەتتىك تابيعي پاركى وسى ماق­ساتتارىن ويداعىداي اتقارىپ، بيولوگيالىق جانە لاند­شاف­تىق الۋاندىقتى ساق­تاپ قالۋ ءۇشىن ەڭبەك ەتۋدە.

 

رومان بايسالباەۆ،

«تارباعاتاي» مەملەكەتتىك ۇلتتىق تابيعي پاركىنىڭ ورمان شەبەرى

 

شىعىس قازاقستان وبلىسى

سوڭعى جاڭالىقتار

ەرتەڭ ۇكىمەت وتىرىسى وتەدى

ۇكىمەت • بۇگىن، 15:00

شاپپا شوت پەن «قۇيرىقتى» پىشاق

ايماقتار • بۇگىن، 08:32

جاڭاوزەندەگى جىلىجاي

ايماقتار • بۇگىن، 08:30

توي تويلاۋ توقتاماي تۇر

كوروناۆيرۋس • بۇگىن، 08:24

تاۋار اينالىمىندا ءوسىم بار

ەكونوميكا • بۇگىن، 08:12

ۇقساس جاڭالىقتار