ايماقتار • 15 ماۋسىم، 2021

انا دا، بالا دا امان

17 رەت كورسەتىلدى

شىمكەنتتەگى جۇقپالى اۋرۋلار ورتالىعىنا 20 ءساۋىر كۇنى جەتكىزىلگەن 38 جاستاعى جۇكتى ايەلدىڭ جاعدايى ناشارلاپ، جانساقتاۋ بولىمىنە جاتقىزىلادى. ناۋقاستىڭ وكپەسى 98 پايىزعا زاقىمدانۋىنا بايلانىستى رەسپۋبليكالىق دارەجەدەگى دارىگەرلەر كونسيليۋم وتكىزىپ، ناۋقاستى ەكمو اپپاراتىنا قوسقان. دارىگەرلەردىڭ ايتۋىنشا، بۇل اپپارات اۋىر حالدەگى ناۋقاستاردى ەمدەۋدە ناتيجە بولماعان جاعدايدا قولدانىلادى.

اپتا وتە ىشتەگى بالانىڭ جاعدايى اۋىر بولۋىنا بايلانىستى قالالىق پەريناتالدىق ورتالىقتىڭ دارىگەرلەرى شۇعىل تۇردە «كەسىر تىلىگى» ارقىلى ايەلدى بوساندىرىپ العان. سالماعى 1 كگ 900 گرامم بولىپ تۋعان نارەستەگە ورتالىق دارىگەرلەرى مەديتسينالىق كومەك كورسەتىپ، قامقورلىق جاسادى. جاڭا بوسانعان ايەلگە 14 كۇن بويى ەكمو اپپاراتى ارقىلى ەم جۇرگىزىلدى. دارىگەرلەر وسى اپپاراتتىڭ ارقاسىندا جاڭا بوسانعان ايەلدىڭ جاعدايى جاقسارعانىن ايتۋدا. وسىلايشا قاۋىپتى ىندەت جۇقتىرعان ناۋقاس 50 كۇن بويى ينفەكتسيالىق گوسپيتالدە ەم الىپ، كۇنى كەشە اۋرۋحانادان ساۋىعىپ شىقتى.

جادىرا بايماحانوۆا ءومىرىن اراشالاپ قالعان شىمكەنت قالاسىنىڭ باس رەا­ني­ماتولوگى باتىر شامامۋتوۆ، قالالىق جۇق­پالى اۋرۋلار ورتالىعىنىڭ اكۋشەرلىك بولىمىنە جاۋاپتى دارىگەر، انەستەزيولوگ-رەانيماتولوگ ايجان بەيسەڭگىروۆا، قالالىق جۇرەك ورتالىعىنىڭ كارديوحيرۋرگيالىق انەستەزيولوگيا-رەانيماتسيا جانە قارقىندى تەراپيا ءبولىمىنىڭ مەڭگەرۋشىسى بەكجان پەرمەنوۆ، اكۋشەر-گينەكولوگ انار ماحاشوۆا سىندى بىلىكتى اق حالاتتىلارعا ءوز العىسىن ءبىلدىردى.

ايتا كەتەلىك، شىمكەنت قالاسىندا وتكەن تاۋلىك ىشىندە 2 435 ادام ۆاكتسينا سالدىردى. ەگۋ ناۋقانى باستالعالى بارلىعى 207 471 ادام ەكپە سالدىرسا، ونىڭ ىشىندە 111 647 ادام ۆاكتسينانىڭ ەكى كومپونەنتىن الدى. ال ىندەت جۇقتىرۋ جاعدايى جونىندە ايتار بولساق، دۇيسەنبىدەگى مالىمەت بويىنشا سوڭعى تاۋلىكتە 42 جاعداي تىركەلگەن. ينفەكتسيالىق ستاتسيونارعا 9 ادام جاتقىزىلىپ، 33 ادام ءۇي باقىلاۋىنا الىندى. قازىرگى تاڭعا مامانداندىرىلعان ينفەكتسيالىق ستاتسيو­­­نارلاردا بارلىعى 1 276 ورىن بار. قالا اۋماعىندا سانيتارلىق-ەپيدەميالىق تا­لاپ­تار­دىڭ ساقتالۋى بويىنشا جۇمىس ىستەيتىن 20 موبيلدىك توپ جەكسەنبى كۇنى 187 نىسانعا تەكسەرۋ جۇمىستارىن جۇرگىزدى. ونىڭ ىشىندە 8 نىساندا كارانتين رەجىمىنىڭ تالاپتارى بۇزىلعانى انىقتالىپ، اكىمشىلىك حاتتامالار تولتىرىلعان.

 

شىمكەنت

 

سوڭعى جاڭالىقتار

ەرتەڭ ۇكىمەت وتىرىسى وتەدى

ۇكىمەت • بۇگىن، 15:00

شاپپا شوت پەن «قۇيرىقتى» پىشاق

ايماقتار • بۇگىن، 08:32

جاڭاوزەندەگى جىلىجاي

ايماقتار • بۇگىن، 08:30

توي تويلاۋ توقتاماي تۇر

كوروناۆيرۋس • بۇگىن، 08:24

تاۋار اينالىمىندا ءوسىم بار

ەكونوميكا • بۇگىن، 08:12

ۇقساس جاڭالىقتار