پارلامەنت • 15 ماۋسىم، 2021

سەنات بيۋروسىنىڭ وتىرىسى

17 رەت كورسەتىلدى

سەنات توراعاسى ماۋلەن اشىمباەۆتىڭ توراعالىق ەتۋىمەن بيۋرو وتىرىسى بولىپ، وندا دەپۋتاتتار 2021 جىلعى 17 ماۋسىمعا جوسپارلانعان جالپى وتىرىستىڭ كۇن ءتارتىبىن بەكىتتى، دەپ حابارلادى وسى پالاتانىڭ ءباسپاسوز قىزمەتى.

قازاقستان رەسپۋبليكاسىنىڭ ۇكىمەتى مەن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ «2020 جىلعا ارنالعان رەسپۋبليكالىق بيۋدجەتتىڭ اتقارىلۋى تۋرالى» ەسەبى تۋرالى ماسەلە كەزەكتى وتىرىستىڭ كۇن تارتىبىنە ەنگىزىلدى.

سەناتورلار پالاتانىڭ الداعى وتىرىسىندا «مەملەكەتتىك فەلدە­گەرلىك بايلانىس تۋرالى» زاڭ جوباسىن ىلەسپە تۇزەتۋلەرىمەن بىرگە قارايتىن بولادى.

قۇجات فەلدەگەرلىك بايلانىستىڭ مىندەتتەرى مەن قاعيداتتارىن زاڭنامالىق تۇرعىدا بەكىتۋگە، مەملەكەتتىك فەلدەگەرلىك قىزمەت سالاسىنداعى قىزمەتكەرلەردىڭ قۇقىقتارى مەن مىندەتتەرىن ايقىنداۋعا، ولاردىڭ قۇقىقتىق جاعدايىن رەتتەۋگە، سونداي-اق الەۋمەتتىك كەپىلدىكتەر بەلگىلەۋگە باعىتتالعان. زاڭ جوباسىن قابىلداۋ قىزمەتتىڭ قۇقىقتىق، ۇيىمداستىرۋشىلىق نەگىزدەرىن جانە قىزمەتكەرلەردىڭ مەملەكەتتىك ورگاندارىمەن ءوزارا جەدەل ءىس-قيمىل ءتارتىبىن ايقىندايدى.

بيۋرو وتىرىسى بارىسىندا ماجىلىستەن كەلىپ تۇسكەن زاڭ جوبالارى سەناتتىڭ تۇراقتى كوميتەتتەرىنە ءبولىنىپ بەرىلدى.

سوڭعى جاڭالىقتار

ەرتەڭ ۇكىمەت وتىرىسى وتەدى

ۇكىمەت • بۇگىن، 15:00

شاپپا شوت پەن «قۇيرىقتى» پىشاق

ايماقتار • بۇگىن، 08:32

جاڭاوزەندەگى جىلىجاي

ايماقتار • بۇگىن، 08:30

ۇقساس جاڭالىقتار