ايماقتار • 14 ماۋسىم، 2021

كاسىپكەرلەرگە زاڭسىز تەكسەرۋ جۇرگىزگەندەر انىقتالدى

53 رەت كورسەتىلدى

قىزىلوردا وبلىسى پروكۋراتۋراسىمەن ايماقتاعى بيزنەس-احۋالدى جاقسارتۋ مەن اكىمشىلىك كەدەرگىلەردى جويۋ ماقساتىندا ءبىرشاما جۇمىستار اتقارىلۋدا. بۇل تۋرالى وبلىستىق پروكۋراتۋرانىڭ ءباسپاسوز قىزمەتى مالىمدەدى، دەپ حابارلايدى Egemen.kz.

– وسى ماقساتتا موبيلدىك توپتاردىڭ جۇمىسى كۇشەيتىلىپ، ولارعا شاعىم بەرۋ تارتىپتەرى جانە سەنىم تەلەفوندارى تۋرالى مالىمەتتەر پروكۋراتۋرانىڭ، كاسىپكەرلەر پالاتاسىنىڭ رەسمي سايتتارى مەن الەۋمەتتىك جەلىلەرىندە  جاڭارتىلىپ، وبلىس جانە اۋدان ورتالىقتارىندا بيلبوردتار ورناتىلدى.  

ناتيجەسىندە موبيلدىك توپتارعا كاسىپكەرلەردەن وتكەن 2020 جىلى بارلىعى 13 ارىز-حابارلاما تۇسسە، 2021 جىلدىڭ 5 ايىندا 30 ارىز-حابارلاما (سيگنال) ءتۇسىپ، وڭىردەگى بيزنەستىڭ پروكۋراتۋراعا سەنىم دەڭگەيى ارتۋدا، – دەلىنگەن حابارلامادا.

سونىمەن قاتار اعىمداعى بيزنەستى قورعاۋ بويىنشا اتقارىلعان جۇمىستاردىڭ ناتيجەسىندە 17پروكۋرورلىق قاداعالاۋ اكتىلەرى ەنگىزىلىپ، 117كاسىپكەردىڭ قۇقىعى قورعالعان. 16 تۇلعا تارتىپتىك، 1 لاۋازىمدى تۇلعا اكىمشىلىك جاۋاپقا تارتىلسا،  2 زاڭسىز تەكسەرۋدىڭ جانە كاسىپكەرلەرگە قاتىستى 9 اكىمشىلىك ءوندىرىستىڭ كۇشى جويىلدى (جالپى سوماسى 360 485 تەڭگە ايىپپۇلدان بوساتىلدى).

– مىسالى، «QazBuilndings» جشس ديرەكتورى ن.دەنەەۆتىڭ ارىزىن قاراۋ كەزىندە قىزىلوردا وبلىسىنىڭ مەملەكەتتىك ساۋلەت-قۇرىلىس باقىلاۋ باسقارماسى تاراپىنان قۇرىلىس-مونتاجداۋ جۇمىستارىنا ليتسەنزيا بەرۋدەن ەكى رەت نەگىزسىز (زاڭمەن كوزدەلمەگەن تالاپ قويعان) باس تارتىلعانى انىقتالىپ، باسقارما باسشىسىنا قاتىستى اكىمشىلىك ءىس قوزعالدى.

قىزىلوردا قالاسىنىڭ مامانداندىرىلعان اكىمشىلىك سوتىنىڭ 29 ناۋرىز 2021 جىلعى قاۋلىسىمەن باسقارما باسشىسى اكىمشىلىك جاۋاپكەرشىلىككە تارتىلىپ، وعان 61 257 تەڭگە ايىپپۇل سالىندى، – دەپ حابارلادى ايماقتىق پروكۋراتۋرا.

كاسىپكەرلەردەن تۇسكەن ارىزداردىڭ باسىم بولىگى كەدەرگىلەردى ازايتىپ، ەركىن جۇمىس ىستەۋگە قولايلى جاعداي جاساۋعا باعىتتالعان. بۇل جاعى دا ەسكەرۋسىز قالمادى. وبلىستىق پروكۋراتۋرانىڭ نارازىلىعىنا سايكەس وبلىستىڭ باس مەملەكەتتىك سانيتاريالىق دارىگەرىنىڭ قاۋلىسىنا وزگەرىستەر ەنگىزىلىپ، كوپتەگەن كاسىپكەرلىك سۋبەكتىلەرگە بەلگىلەنگەن جۇمىس ۋاقىتى بويىنشا شەكتەۋلەر الىنىپ، جەكەلەگەن بيزنەس سۋبەكتىلەرىنىڭ جۇمىس ۋاقىتى ۇزارتىلدى.

​– كارانتين تالاپتارىنىڭ ساقتالۋى بويىنشا سانيتاريالىق- ەپيدەميولوگيالىق باقىلاۋ ورگانىمەن ءبىر كاسىپكەرگە ەكى رەت زاڭسىز تەكسەرۋ جۇرگىزىلگەنى انىقتالىپ (تەكسەرۋ تاعايىنداۋ تۋرالى اكتىلەردە كورسەتىلگەن كاسىپكەردىڭ ورنىنا باسقا كاسىپكەرگە قاتىستى تەكسەرۋلەر جۇرگىزىلىپ، سوڭعىنىڭ قىزمەتكەرى اكىمشىلىك جاۋاپقا تارتىلعان)، تەكسەرۋ تاعايىنداۋ، تەكسەرۋ ناتيجەسى تۋرالى اكتىلەردىڭ جانە ۇيعارىمداردىڭ كۇشى جويىلدى.

مەملەكەتتىك كىرىستەر ورگانىنىڭ 2 كاسىپكەرگە قاتىستى 5 جانە اگروونەركاسىپ كەشەنىندەگى  ۋاكىلەتتى ورگاننىڭ 3 كاسىپكەرگە قاتىستى زاڭسىز تولتىرعان 3 اكىمشىلىك قۇقىق بۇزۋشىلىق تۋرالى حاتتامالارى جارامسىز دەپ تانىلدى.

مەملەكەتتىڭ تاپسىرىس بويىنشا ءبىلىم بەرۋ قىزمەتىن كورسەتكەن 75 جەكە بالاباقشانىڭ 192،9 ملن. تەڭگە بيۋدجەت بەرەشەگىنىڭ تولەنۋى قامتاماسىز ەتىلدى.

ەنگىزىلگەن پروكۋرورلىق قاداعالاۋ اكتىسىنىڭ قارالۋ ناتيجەسىمەن وتكىزىلگەن مەملەكەتتىك ساتىپ الۋ بويىنشا 35 كاسىپكەردىڭ جالپى سوماسى 33 ملن تەڭگە بانكتىك كەپىلدەمەلەرى كەرى قايتارىلدى.

وڭىرلىك كاسىپكەرلەر پالاتاسىمەن بىرلەسە اتقارىلعان جۇمىستاردىڭ ناتيجەسىندە شجق «قازالى اۋدانارالىق اۋرۋحاناسى» كمك-ى تاراپىنان ء دارى-دارمەكتەر مەن مەديتسينالىق بۇيىمداردى ساتىپ الۋ شارتتارى بويىنشا فارماتسەۆتيكالىق كومپانيالار الدىندا قالىپتاسقان 87،4 ملن. تەڭگە قارىزدىڭ تولەنۋى قامتاماسىز ەتىلدى، – دەلىنگەن ايماقتىق پروكۋراتۋرا تاراتقان حابارلامادا.

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار