«قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭعا تۇزەتۋلەر جوباسىن جاريا تالقىلاۋ 25 ماۋسىمعا دەيىن جالعاسادى.
زاڭ جوباسى ەل پرەزيدەنتىنىڭ 2020 جىلعى 1 قىركۇيەكتەگى قازاقستان حالقىنا جولداۋىندا قويىلعان مەملەكەتتىك قىزمەتتى جەتىلدىرۋ جونىندەگى مىندەتتەردى ورىنداۋ ءۇشىن قۇقىقتىق جاعدايلار جاساۋ ماقساتىندا ازىرلەنگەنى حابارلاندى.
«مەملەكەت باسشىسى مەملەكەتتىك ورگانداردا فاكتورلىق-بالدىق شكالا نەگىزىندە ەڭبەكاقى تولەۋدىڭ جاڭا جۇيەسىن ەنگىزۋ مىندەتىن قويدى.
«100 ناقتى قادام» ۇلت جوسپارىن ىسكە اسىرۋ جونىندەگى جول كارتاسىنىڭ 1-تارماعىنا سايكەس, «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭعا مەملەكەتتىك اكىمشىلىك قىزمەتشىلەرگە بونۋستار ەسەپتەۋدى بولدىرماۋ بولىگىندە وزگەرىستەر مەن تولىقتىرۋلار ەنگىزۋدى كوزدەيتىن زاڭ جوباسى ازىرلەندى», دەلىنگەن جوبانى تۇسىندىرمە جازبادا.
