«سۋ قويمالارىن سالۋ 70 ەلدى مەكەن (137 مىڭ ادام) ءۇشىن سۋ تاسقىنى قاۋپىن ازايتۋعا, 394 مىڭ گا جاڭا سۋارمالى جەرلەردى اينالىمعا ەنگىزۋگە, اۋىل شارۋاشىلىعىندا 129 مىڭنان استام جۇمىس ورنىن قۇرۋعا, ترانسشەكارالىق وزەندەردىڭ سۋ كولەمىنە تاۋەلدىلىكتى الىپ تاستاۋعا مۇمكىندىك بەرەدى. بۇل 30%-عا دەيىن - قىرعىزستان, 25%-عا دەيىن - وزبەكستان, 15%-عا دەيىن - رەسەي فەدەراتسياسىنا تاۋەلدىلىكتى تومەندەتەدى», دەدى م.مىرزاعاليەۆ.
سۋدى ەسەپكە الۋ بويىنشا مەملەكەت باسشىسىنىڭ تاپسىرماسىن ورىنداۋ ماقساتىندا بىلتىر تۇركىستان وبلىسى ماقتاارال اۋدانىندا ۇزىندىعى ون ەكى كم «ك-19» ماگيسترالدى كانالىن تسيفرلاندىرۋ بويىنشا پيلوتتىق جوبا ىسكە اسىرىلدى. كانالدى تسيفرلاندىرۋدىڭ ارقاسىندا سۋ سۋارۋ نورمالاردان 45 پايىزعا كوپ جۇمسالاتىنى انىقتالدى. بيىل ون التى ارنا تسيفرلاندىرىلادى. تاياۋداعى بەس جىل ىشىندە ۇزىندىعى 2,8 مىڭ كم-دەن اساتىن ءجۇز ون توعىز ارنانى تسيفرلاندىرۋ جوسپاردا بار.
«اۋىز سۋدى ەلدى مەكەندەرگە جەتكىزۋ بولىگىندە بىلتىر توپتىق سۋ قۇبىرلارى قۇرىلىسىنىڭ ون ءتورت جوباسى ىسكە اسىرىلدى, ولاردىڭ ۇشەۋى اياقتالدى. ناتيجەسىندە ءۇش ءجۇز قىرىق ءۇش كم جەلى سالىندى. الماتى, قىزىلوردا, باتىس قازاقستان وبلىستارىندا 124,5 مىڭ حالقى بار 15 ەلدى مەكەن مەن ءبىر قالانى سۋمەن جابدىقتاۋ قامتاماسىز ەتىلىپ جاقساردى. بيىل ۇزىندىعى 845 كم بولاتىن سەگىز جوبانى اياقتاپ, پايدالانۋعا بەرۋ جوسپارلانۋدا. اقمولا, اقتوبە, قاراعاندى, قىزىلوردا جانە سولتۇستىك قازاقستان وبلىستارىنىڭ 203 مىڭ تۇرعىنى بار 61 ەلدى مەكەن ءۇشىن سۋمەن جابدىقتاۋ قامتاماسىز ەتىلىپ جاقسارتىلادى. ەكى جىل ىشىندە 10 ۇزاق جىلدارعا سوزىلعان قۇرىلىستىڭ بەسەۋىن تاپسىردىق. بيىل تاعى ۇشەۋىن اياقتايمىز جانە كەلەسى جىلى قالعان ەكەۋىن تاپسىرۋ جوسپارلانعان», دەدى مينيستر.
