دەگەنمەن, ۆەدومستۆو باسشىسى سۋ سالاسىنىڭ باستى پروبلەمالارىن اتاپ كورسەتتى.
«بىرىنشىدەن, وزەن اعىسىنىڭ قۇلاۋى مەن سۋ تۇتىنۋدىڭ ءوسۋى سالدارىنان ورتا جانە ۇزاق مەرزىمدى كەزەڭدە ەلدى سۋمەن قامتاماسىز ەتۋدىڭ بولجامدى تومەندەۋى;
ەكىنشىدەن, ارنالار مەن يرريگاتسيالىق جۇيەلەردىڭ قاتتى توزۋى سەبەبىنەن تاسىمالداۋ كەزىندە سۋدىڭ جوعارى شىعىنى. بۇعان مينيستر اۋىل شارۋاشىلىعىندا شىعىن 50% - عا دەيىن جەتەدى.
ولاردى قىسقارتۋ ءۇشىن ارنالاردى جوندەۋ جانە سۋ رەسۋرستارىن اۆتوماتتاندىرىلعان باسقارۋدى ەنگىزۋ تالاپ ەتىلەدى.
ۇشىنشىدەن, تاريف بەلگىلەۋدىڭ ءالسىز تەتىگى, ينفراقۇرىلىمعا ينۆەستيتسيالاردىڭ جەتىسپەۋشىلىگى جانە بىلىكتى كادرلاردىڭ جەتىسپەۋشىلىگى», دەدى ول.
ءمينيستردىڭ ايتۋىنشا, قازىر سۋدىڭ از تسيكلىنا تاپ بولدىق. وسىعان بايلانىستى, ۆەگەتاتسيالىق كەزەڭدى وتكىزۋ ماقساتىندا كورشى ەلدەرمەن ناقتى جۇمىس جۇرگىزىلۋدە.
«قىرعىز ەلىمەن قوسىمشا سۋ الۋ تۋرالى كەلىستىك. ۆەگەتاتسيا شىڭىندا (ماۋسىم-تامىز) توقتوعۇل سۋ قويماسىنان قوسىمشا ءۇش ءجۇز وتىز (330) ملن كۋب.مەتر سۋ اعىزىلادى. بۇل سۋ كولەمىن وزبەكستان اۋماعى ارقىلى وتكىزۋ تۋرالى دا ۋاعدالاستىقتارعا قول جەتكىزىلدى. سونداي-اق تاجىك جانە وزبەك تاراپتارىمەن بىرلەسىپ «باحري توچيك» سۋ قويماسىنىڭ جۇمىس رەجيمى بويىنشا كەلىسىمدەر جۇرگىزىلۋدە. وسىنى ەسكەرە وتىرىپ, اقپان-ناۋرىز ايلارىندا ءبىز اۋىل شارۋاشىلىعى مينيسترلىگىمەن وڭىرلەرگە بارىپ كەڭەستەر وتكىزدىك. قالىپتاسىپ وتىرعان سۋ شارۋاشىلىعى جاعدايى تۋرالى حاباردار ەتتىك جانە سۋدى كوپ قاجەت ەتەتىن داقىلداردىڭ ەگىستىگىن ازايتۋدى ۇسىندىق جانە سۋ از بولعان جاعدايدا ۆەگەتاتسياعا دايىندالدىق», دەدى ماعزۇم مىرزاعاليەۆ.
نەگىزگى مىندەتتەردىڭ ءبىرى مەملەكەت باسشىسىنىڭ سۋارمالى جەر كولەمىن بۇگىنگى ءبىر ءبۇتىن التى (1,6) ملن.گەكتاردان 2030 (ەكى مىڭ وتىزىنشى) جىلعا دەيىن ءۇش (3) ملن. گەكتارعا دەيىن ۇلعايتۋ جونىندەگى تاپسىرماسىن ورىنداۋ بولىپ تابىلادى.
بىلتىر سەگىز ءجۇز ون ءۇش (813) كم كانال جوندەلدى, ەلۋ ءۇش جارىم (53,5) مىڭ گەكتار سۋارمالى جەر اينالىمعا ەنگىزىلدى. بۇل قوسىمشا جيىرما التى (26,0) مىڭ جۇمىس ورنىن قۇرۋعا جانە اۋىل شارۋاشىلىعى ءونىمىنىڭ كولەمىن جىل سايىن وتىز (30) ملرد. تەڭگەدەن استام سوماعا ۇلعايتۋعا مۇمكىندىك بەرەدى.
«2025 جىلعا دەيىن سۋارمالى جەرلەردىڭ اۋماعىن 2,2 ملن. گا دەيىن جەتكىزۋ, ياعني 600 مىڭ گا-عا ۇلعايتۋ جوسپارلانعان, 5 جىل ىشىندە ءبىز 4,5 مىڭ كم-دەن استام ارنالاردى قايتا جاڭارتۋدى جوسپارلاپ وتىرمىز. بۇل اۋىلدا 120 مىڭ جۇمىس ورنىن قۇرۋعا جانە جىل سايىن 510 ملرد.تەڭگە سوماسىنا ءونىم وسىرۋگە ىقپال ەتەتىن بولادى. بۇدان باسقا, 41 اۆاريالىق سۋ قويماسىن قالپىنا كەلتىرۋ كوزدەلگەن, ونىڭ ىشىندە 2017-2019 جىلدار كەزەڭىندە 10 وبەكتى پايدالانۋعا بەرىلدى, ول 2020 جىلى اياقتالدى. 2021 جىلى تاعى 8 نىساندى اياقتاۋ جوسپارلانۋدا. قالعان 21 نىسان 2025 جىلعا دەيىن ساتىلادى», دەدى مينيستر.
