«الماتى وبلىسىندا ەكولوگيالىق ءتۋرزيمدى دامىتۋدىڭ بىرنەشە جوباسى تالقىلانىپ جاتقانىن ءبىلىپ وتىرمىز. سونىڭ ىشىندە شارىن شاتقالى دا بار. ول جەردە ءبىر ايدا ەكى رەت سەل ءجۇرىپ, ءبىرى قايعىلى وقيعامەن اياقتالدى. قازىر شارىن شاتقالى تارتىمدى تۋريستىك اۋماقتان ءولىم قاۋپى بار نىسانعا اينالىپ وتىر. مينيسترلىك قولعا الىپ وتىرعان ينۆەستيتسيالىق جوبادان نەگە باس تارتپايدى», دەپ سۇرادى ساۋال يەسى.
ماعزۇم مىرزاعاليەۆ جاۋابىندا شارىن شاتقالىنداعى سەلدىڭ ىقتيمال جولىنا ەشكىم نىسان سالۋدى جوسپارلاماعانىن ەسكەرتتى.
«شارىنداعى ينفراقۇرلىمىعا كەلەتىن بولساق, ەگەر مۇقيات زەرتتەگەن بولساڭىز, جوبالانىپ وتىرعان ۆيزيت ورتالىق پەن ەتنواۋىل, ساۋدا دۇرگىرشەكتەرى مەن وزگە نىساندار شاتقالدىڭ ىشىنە سالىنعالى جاتقان جوق. بۇل نىساندار ۇستىڭگى الاڭدا سالىنادى. ول جەردە قازىر اۆتوكولىك تۇراعى تۇر», دەدى مينيستر.
سونداي-اق ول اتالعان جوبا بويىنشا قوعامدىق تىڭداۋ وتەتىنىن, بارلىق ەسكەرتپەلەردى سول جەردە ايتىپ, تۇسىنىكسىز سۇراقتارعا سول جەردە جاۋاپ الۋعا بولتانىن ءتۇسىندىردى.
«بۇل ماسەلە بويىنشا قوعامدىق تىڭداۋ بولادى. سول كەزدە وسى ماسەلەلەردى قاراۋعا بولادى», دەپ قايىردى ماعزۇم مىرزاعاليەۆ.
ەسەپتىك كەزدەسۋ بارىسىندا ۆەدومستۆو باسشىسى مەملەكەت باسشىسىنىڭ تاپسىرماسى بويىنشا مينيسترلىك ەكولوگيالىق ءتۋريزمدى دامىتۋعا كۇش سالىپ جاتقانىن اتاعان بولاتىن. اتاپ ايتساق, الماتى وبلىسىنىڭ 4 ءىرى ۇلتتىق پاركىندە بىرنەشە ينۆەستيتسيالىق جوبالاردى ىسكە اسىرۋ كوزدەلگەن.
ءار جوبا بويىنشا ينۆەستورلار بەكىتىلگەن كورىنەدى.
ولار: - «كولساي كولدەرى» مەملەكەتتىك ۇلتتىق تابيعي پاركى بويىنشا – «اتىراۋ-رەنت» جشس»;
- «شارىن» مەملەكەتتىك ۇلتتىق تابيعي پاركى بويىنشا QazaqGeography رەسپۋبليكالىق قوعامدىق بىرلەستىگى;
- «التىن ەمەل» مەملەكەتتىك ۇلتتىق تابيعي پاركى بويىنشا QazaqGeografy رەسپۋبليكالىق قوعامدىق بىرلەستىگى - «ىلە-الاتاۋ» مەملەكەتتىك ۇلتتىق تابيعي پاركى بويىنشا – «تۋرانگا گرۋپپ» جشس.
- «الماتى ءوڭىرىنىڭ ۇلتتىق پاركتەرى بويىنشا 11 زاماناۋي ۆيزيت-ورتالىق, 5 ەكو-قوناق ءۇي, 28 گلەمپينگ, 8 كەمپينگ, 4 ەتنو-اۋىل سالۋ كوزدەلىپ وتىر. وسى نىساندارعا جالپى كولەمى 31,5 ملرد تەڭگە جەكە ينۆەستيتسيا تارتىلادى.
ۇلتتىق پاركتەردىڭ رەكرەاتسيالىق جۇكتەمەسىنىڭ نورمالارىن ەسكەرسەك, تۋريستەردىڭ كۇتىلەتىن اعىنى 2 ملن ادام بولماق. قازىرگى تاڭدا 3 مەملەكەتتىك ۇلتتىق تابيعي پاركتە قاجەتتى ينفراقۇرىلىمنىڭ قۇرىلىسى باستالدى.
«ىلە-الاتاۋ» ۇلتتىق پاركىندە «ايۋساي» ۆيزيت-ورتالىعى اشىلدى. ۆيزيت-ورتالىقتىڭ اينالاسىندا سوقپاقتار تازارتىلىپ, تۋريستەرگە ىڭعايلى بولۋ ءۇشىن وزەنگە كوپىر توسەلدى. ۆولونتەرلەر ەكو-مادەنيەت بويىنشا وقىتۋ جۇرگىزۋدە», دەدى مينيستر ەسەپتىك كەزدەسۋدە.
