«رۋدنىي قالالىق پوليتسيا باسقارماسىنىڭ قىزمەتكەرلەرى «قاراسورا-2021» جەدەل-الدىن الۋ ءىس-شاراسى اياسىندا پسيحوتروپتىق زاتتاردى دايىندايتىن ناركولوگيالىق زەرتحانا قىزمەتىنە توسقاۋىل قويدى. قوستاناي قالاسىنىڭ 55 جاستاعى تۇرعىنى اۆتوكولىك گاراجدارى اۋماعىنان ءبىر گاراجدى قىلمىستىق ماقساتتارىن جۇزەگە اسىرۋ ءۇشىن جالعا العان. زەرتحاناعا اينالعان گاراجدى ءتىنتۋ بارىسىندا جەدەل ۋاكىلدەر جالپى سالماعى 308 گرامم «مەفەدرون» پسيحوتروپتىق زاتى بار 446 zip–پاكەت تاركىلەدى. گاراجدان كوفە تارتقىشتار, ەلەكتروندى تارازىلار, ەتيل ءسپيرتى, ەسىرتكىنى وراۋعا ارنالعان ەلەكترلىك تاسپالار سىندى بۇكىل ارسەنال الىندى», دەدى ول.
رەسمي وكىلدىڭ ايتۋىنشا, اتالعان فاكت قر قك 297-بابىنىڭ 3-بولىگى بويىنشا تىركەلدى.
«بۇرىن وسىعان ۇقساس قىلمىستارى ءۇشىن سوتتالعان كۇدىكتى ەندى مۇلكى تاركىلەنىپ, 10 جىلدان 15 جىلعا دەيىن باس بوستاندىعىنان ايىرىلۋى مۇمكىن», دەدى ءنۇردىلدا وراز.
