وبلىستىق توتەنشە جاعدايلار دەپارتامەنتىنىڭ باستىعى, ازاماتتىق قورعاۋ پولكوۆنيگى ومار بەرجانوۆتىڭ ايتۋىنشا, بۇعان دەيىن قۇرمانعازى اۋدانىندا قۇتقارۋ بولىمشەسى بولماعان.
«قۇرمانعازى اۋدانى وبلىس ورتالىعىنان 230 شاقىرىم قاشىقتا ورنالاسقان. مۇندا قۇتقارۋ بولىمشەسى بولماعاندىقتان, توتەنشە جاعدايلار تۋىنداعان كەزدە اتىراۋ قالاسىنان قۇتقارۋشىلاردىڭ اۋدانعا جەدەل جەتۋى قيىن ەدى. ەندى مىنە, اۋدان تۇرعىندارىنىڭ قاۋىپسىزدىگىن قامتاماسىز ەتەتىن قۇتقارۋ بەكەتى اشىلىپ وتىر», دەيدى ومار بەرجانوۆ.
قۇتقارۋ بەكەتىندە كەزەكشىلىكتى ۇيىمداستىرۋ ءۇشىن بارلىق جاعداي قاراستىرىلعان. دەمالىس بولمەلەرى مەن اسحاناسى, قۇتقارۋشىلاردىڭ كاسىبي دايىندىعىن ارتتىرۋعا ارنالعان وقۋ سىنىبى بار.
«قۇتقارۋ بەكەتىنىڭ قىزمەتكەرلەرى تەك جازدا سۋ ايدىندارىندا عانا ەمەس, جىل بويى كومەككە كەلۋگە دايىن بولادى. سول سەبەپتەن, قۇتقارۋ بەكەتىنە جول تالعامايتىن ماركالى اۆاريالىق-قۇتقارۋ قۇرال-سايماندارىمەن جابدىقتالعان 2 «ۋاز», 2 ءجۇزۋ قايىعى, سۇڭگۋىر-قۇتقارۋ جابدىقتارى مەن بايلانىس قۇرالدارى ءبولىندى», دەيدى ب.وماروۆ.
