بقو تج دەپارتامەنتىنىڭ ءباسپاسوز قىزمەتى ءمالىم ەتكەنىندەي, ءبىرىنشى وقيعا 13 ماۋسىم كۇنى كەشكىسىن بايتەرەك اۋدانى ترەكين اۋىلدىق وكرۋگى جايىق ەلدى مەكەنىندە بولعان. «سايا» دەمالىس ورنىندا 33 جاستاعى ايەل سۋعا ءتۇسىپ, باتىپ كەتكەن.
كۋاگەرلەردىڭ سوزىنە قاراعاندا, وتباسىمەن, دوستارىمەن سەرۋەندەگەن ايەل ماس كۇيىندە بولعان. ايەلدىڭ دەنەسى قۇتقارۋشىلار كەلگەنشە, ساعات 19.45-تە سۋدان شىعارىلعان.
تاعى ءبىر وقيعا ورال قالاسىندا بولدى.
14 ماۋسىم كۇنى ساعات 00.07-دە 28 جاستاعى جىگىت شومىلۋعا جابدىقتالماعان جەردەن سۋعا ءتۇسىپ, باتىپ كەتكەن. ول دا تانىستارىمەن بىرگە ىشىمدىك ىشكەن.
مارقۇمنىڭ دەنەسىن جەدەل قۇتقارۋ جاساعىنىڭ ىزدەۋ توبى ساعات 02.25-تە سۋدان الىپ شىقتى.
