ۇلىبريتانيالىق كوللەدج ماماندارى كوروناۆيرۋس مۋتاتسيالانعاندىقتان ۆيرۋس جۇقتىرعان ادامدا ەندى باس اۋرۋى, جەڭىل تۇماۋ جانە تاماقتىڭ اۋىرسىنۋى بايقالاتىنىن حابارلادى.
عالىمدار مۇنى ZOE قوسىمشاسى ارقىلى انىقتالعان, ول ينفەكتسيانىڭ سيمپتومدارىن باقىلاۋدا ۇستاپ وتىراتىن ارنايى باعدارلاما. سول قوسىمشاعا سۇيەنىپ, ماماندار COVID-19 سيمپتومدارى مامىردان بەرى وزگەرگەنىن انىقتاعان.
ۇلىبريتانيانىڭ ۇلتتىق دەنساۋلىق ساقتاۋ قىزمەتى كوروناۆيرۋستىڭ نەگىزگى سيمپتومدارى دەنە قىزۋىنىڭ كوتەرىلۋى, جوتەل جانە ءدام مەن ءيىس جوعالۋى دەپ سانايدى. ال ددسۇ كوروناۆيرۋستىڭ نەگىزگى بەلگىلەرى دەنە قىزۋىنىڭ كوتەرىلۋى, قۇرعاق جوتەل جانە شارشاۋ دەپ ەسەپتەيدى.
