«تەكسەرۋ كەزىندە قالدىق گازدى بەرۋ كلاپانىنىڭ اقاۋلىعىنان «س-511» پەشى توقتاعان. سول سەبەپتەن, اۋاعا «سارى» ءتۇتىن تۇرىندەگى كۇكىرت شىعارىلعان. دەپارتامەنت باسشىلىعىنىڭ ۇيعارىمىمەن وسىنداي اعاتتىققا جول بەرگەنى ءۇشىن «تەڭىزشەۆرويل» جشس-نە قاتىستى əكىمشىلىك ءىس قوزعالىپ, بۇزۋشىلىقتاردى جويۋ تۋرالى نۇسقاما بەرىلدى. وندا قورشاعان ورتاعا ءوز بەتىنشە ەميسسيالارعا جول بەرمەۋ جونىندە ناقتى ءىس-شارالاردى əزىرلەۋ, سونداي-اق, شتاتتان تىس جاعدايلار كەزىندە قوندىرعىلار جەلىسىنىڭ جۇمىسىن توقتاتۋ مۇمكىندىگىن قاراستىرۋ اتاپ كورسەتىلدى» دەيدى دەپارتامەنت باسشىسى ءا.بەكمۇحامەتوۆ.
ونىڭ ايتۋىنشا, قازىر اكىمشىلىك ءىستى قاراۋ پروتسەسى ۋاقىتشا توقتاتىلىپتى. ويتكەنى, كومپانيا باسشىلارى تەكسەرۋ نəتيجەلەرى بويىنشا تولتىرىلعان اكت پەن جولدانعان نۇسقاماعا بايلانىستى ەكولوگيالىق رەتتەۋ جəنە باقىلاۋ كوميتەتىنە شاعىمدانىپ وتىر.
ال, «تەڭىزشەۆرويل» جشس ۇكىمەتپەن جəنە جۇرتشىلىقپەن بايلانىس ءبولىمىنىڭ باس مەنەدجەرى رزابەك ارتىعاليەۆتىڭمالىمەتىنشە, اۋاعا ۇزاقتىعى 7 مينۋتقا سوزىلعان كۇكىرت ديوكسيدى مەن قاراپايىم كۇكىرت شىعارىلعان. وسىعان وراي كەن ورنىنداعى قىزمەتكەرلەر مەن مامانداردنىڭ ەشقايسىسى مەديتسينالىق كومەككە جۇگىنبەگەن.
