پوليتسيا قىزمەتكەرلەرى ءىس-شارا كەزىندە 146 تەحنيكالىق قىزمەت كورسەتۋ ستانساسىن, جەكە اۆتوشەبەرحانالار مەن گاراج كووپەراتيۆتەرىن, اۆتوتۇراقتاردى, اۆتوكولىكتەردى بولشەكتەۋ مەن اۆتوبولشەكتەردى ساتۋ ورىندارىن تەكسەردى.
«اتىراۋ وبلىسى اۋماعىندا اۆتوكولىكتەر ۇرلىعى مەن ايداپ اكەتۋگە قاتىسى بار ادامداردى انىقتاۋ, ۇستاۋ جانە قىلمىستىق جاۋاپكەرشىلىككە تارتۋ ماقساتىندا «ايداپ اكەتۋ» جەدەل-پروفيلاكتيكالىق ءىس-شاراسى وتكىزىلدى. ءىس-شارا كەزىندە جەدەل-تەرگەۋ توپتارى قۇرىلىپ, كۇدىكتى ادامداردى انىقتاۋ, ۇستاۋ ءۇشىن جەدەل-ىزدەستىرۋ, ارنايى تەرگەۋ جۇرگىزىلدى. ناتيجەسىندە پوليتسەيلەر 5 ايداپ اكەتۋ دەرەگىن انىقتادى. اتالعان دەرەكتەرگە قاتىسى بار 5 ادام قىلمىستىق جاۋاپكەرشىلىككە تارتىلدى», دەپ حابارلادى دەپارتامەنتتىڭ ءباسپاسوز قىزمەتى.
