ۆەدومستۆو باسشىسى اتاپ وتكەندەي, مەكتەپتەر سانيتارلىق قاۋىپسىزدىك شارالارىن, ماسكا رەجيمىن قاتاڭ ساقتاۋى ءتيىس. سونداي-اق سالتاناتتى شاراعا قاتىسۋشىلار كەمىندە 1-1,5 مەتر ارا قاشىقتىقتى قامتاماسىز ەتىپ, اتا-انالار مەن زاڭدى وكىلدەردىڭ بىرەۋى عانا كەلۋى كەرەك.
سونىمەن قاتار قر ءبىلىم جانە عىلىم مينيسترلىگى اتتەستات تاپسىرۋ سالتاناتىن ءار سىنىپ ءۇشىن بولەك وتكىزۋدى ۇسىنادى. اتتەستاتتاردى تاپسىرۋ ءراسىمى ساعات 10.00-دە باستالادى جانە ءاربىر مەكتەپ ءبىتىرىپ جاتقان سىنىپقا 40 مينۋت ۋاقىت بەرىلەدى. ءىس-شارالار اراسىنداعى ينتەرۆال 20-30 مينۋتتان كەم بولماۋى كەرەك. سالتاناتتى ءبولىم اياقتالعاننان كەيىن تۇلەكتەر «يگى ىستەر كۇنى», «مەيىرىمدى ءىس – وزىڭە ىرىس», «تۋعان ەلگە تاعزىم», «ايالايىق تابيعاتتى ءبارىمىز!» سىندى اكتسيالارعا سانيتارلىق-گيگيەنالىق تالاپتاردى ساقتاي وتىرىپ, قاتىسادى دەپ جوسپارلاندى.
ء«بىز مەكتەپ تۇلەكتەرىنىڭ ءبىر-بىرىمەن قاۋىشىپ, مۇعالىمدەرىنىڭ ىزگى تىلەكتەرىن تىڭداۋعا جانە مەكتەپتى ءبىتىرۋ تۋرالى اتتەستاتتاردى سالتاناتتى تۇردە الۋعا دەگەن تىلەكتەرىنە تۇسىنىستىكپەن قارادىق. الايدا, ەندى ءاربىر مەكتەپ قاۋىپسىزدىك شارالارىن ساقتاۋ ماسەلەسىن ءوز باقىلاۋىندا ۇستاۋى ءتيىس. سونداي-اق ءىس-شارالاردى وتكىزۋ ءۇشىن اقشا جيناۋعا, مەيرامحانالاردا, ءدامحانالاردا جانە باسقا دا كوڭىل كوتەرۋ مەكەمەلەرىندە ءبىتىرۋ كەشتەرىن ۇيىمداستىرۋعا جول بەرىلمەيتىنىن تاعى دا ەسكە سالعىم كەلەدى», دەپ اتاپ ءوتتى ءبىلىم جانە عىلىم ءمينيسترى اسحات ايماعامبەتوۆ.
2020-2021 وقۋ جىلى 11 (12) سىنىپتى 154 مىڭعا جۋىق تۇلەك اياقتاعانىن ايتا كەتكەن ءجون.
