ايماقتار • 12 ماۋسىم، 2021

الماتىدا ىندەت جۇقتىرعاندار ازايىپ كەلەدى

48 رەت كورسەتىلدى

بيىلعى 12 ماۋسىمعا ارنالعان ۆاكتسيناتسيا بارىسى مەن كوروناۆيرۋستىق ينفەكتسيانىڭ تارالۋى جونىندەگى اقپارات تومەندەگىدەي.

الماتىدا 2021 جىلدىڭ 11 ماۋسىم كۇنى جاعداي بويىنشا كوروناۆيرۋستىق ينفەكتسيانىڭ 124 جاڭا جاعدايى تىركەلدى، ونىڭ 101 سيمپتومدىق بەلگىلەرى بار جانە 23 سيمپتومسىز.

بارلىق ەمدەلىپ شىققاندار سانى – 131، كەلىپ تۇسكەنى – 77. بارلىق ينفەكتسيالىق ستاتسيونارلاردا (2 530 توسەك-ورىن) 802 ادام (ونىڭ ىشىندە 41 بالالار) ناۋقاس ەمدەلىپ جاتىر. جالپى رەانيماتسيا جانە قارقىندى تەراپيا بولىمشەسىندە – 76 بار. ءوجج – 8، ءينۆازيۆتى ەمەس ءوجج – 28، High flow-دا 23 اپپارات جۇمىس ىستەيدى.

بۇگىنگى تاڭدا بمسك مەن تەلەمەديتسينا ورتالىعىنىڭ ءموبيلدى توپتارىمەن بىرگە ءۇي جاعدايىندا 1 117 ناۋقاس باقىلاۋدا، ولاردىڭ ىشىندە جەڭىل جانە ورتاشا اۋىرلىق دارەجەسىندە 908، سيمپتومسىز 209 ناۋقاس بار.

سوڭعى تاۋلىكتە الماتى قالاسىندا 4 594 ادام ۆاكتسيناتسيا الدى. بيىلعى 1 اقپاننان بەرى 334 265 ادام ۆاكتسيناتسيالاندى. ۆاكتسينا العاندار ىشىندە 60 جاستان اسقان قارت كىسىلەر 32 150 ادامدى قۇرايدى. 2021 جىلدىڭ 10 ماۋسىم كۇنى الماتى قالاسى قوعامدىق دەنساۋلىق باسقارماسىنا قىتايلىق «Sinovac Biotech» كومپانياسى شىعارعان CoronaVac ۆاكتسيناسىنىڭ جالپى سانى 46 000 دوزاسى (1 جانە 2 كومپونەنت) جەتكىزىلدى.

«بۇگىنگى تاڭدا الماتىدا مەديتسينالىق ۇيىمداردا، مەكتەپتەردە، مادەنيەت، سپورت وبەكتىلەرىندە، بازارلاردا جانە قالانىڭ سوسو-دا 211 ۆاكتسيناتسيا پۋنكتى جۇمىس ىستەيدى. 304 ۆاكتسيناتسيا بريگاداسىندا 1 257 مەديتسينا قىزمەتكەرلەرى جۇمىلدىرىلدى. قالا بويىنشا ۆاكتسينانىڭ قالدىعى – ءبىرىنشى كومپونەنتتىڭ 51 698 دوزاسى جانە ەكىنشى كومپونەنتتىڭ 103 449 دوزاسى بار»، دەپ حابارلايدى الماتى قالاسى قوعامدىق دەنساۋلىق باسقارماسىنىڭ ءباسپاسوز قىزمەتى.

سوڭعى جاڭالىقتار

اقتوبەدە قوقىس پوليگونى ورتەندى

ايماقتار • بۇگىن، 19:58

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار