ايماقتار • 11 ماۋسىم، 2021

وكپەسىنىڭ 98 پايىزى زاقىمدالعان جۇكتى ايەل اۋرۋحانادان شىقتى

48 رەت كورسەتىلدى

بۇگىن شىمكەنتتە  كوروناۆيرۋستان وكپەسىنىڭ 98 پايىزى زاقىمدالعان جۇكتى ايەل اۋرۋحانادان ساۋىعىپ شىقتى. قاۋىپتى ينفەكتسيا جۇقتىرعان ناۋقاس 50 كۇن بويى ينفەكتسيالىق گوسپيتالدە  جاتقان، دەپ حابارلايدى Egemen.kz.

38 جاستاعى جۇكتى ايەل قالالىق جۇقپالى اۋرۋلار ورتالىعىنا 20 ءساۋىر كۇنى جەتكىزىلگەن بولاتىن. بىرنەشە كۇننەن كەيىن ايەلدىڭ جاعدايى ناشارلاپ، جانساقتاۋ بولىمىنە جاتقىزىلادى.

ناۋقاستىڭ وكپەسى 98 پايىزعا زاقىمدانۋىنا بايلانىستى رەسپۋبليكالىق دارەجەدەگى دارىگەرلەر كونسيليۋم وتكىزىپ، ناتيجەسىندە، ناۋقاستى ەكمو اپپاراتىنا قوسادى. دارىگەرلەردىڭ ايتۋىنشا، بۇل اپپارات اۋىر حالدەگى ناۋقاستاردى ەمدەۋدە ناتيجە بولماعان جاعدايدا قولدانىلادى. وسىلايشا جاڭا بوسانعان ايەلگە 14 كۇن بويى ەكمو اپپاراتى ارقىلى ەم جۇرگىزىلدى. 

ايتا كەتۋ كەرەك، وسى اپپاراتتىڭ ارقاسىندا جاڭا بوسانعان ايەلدىڭ جاعدايى جاقسارعان.  

دەگەنمەن، 27 ءساۋىر كۇنى ىشىندەگى بالاسىنىڭ جاعدايى اۋىر بولۋىنا بايلانىستى قالالىق پەريناتالدىق ورتالىقتىڭ دارىگەرلەر كومانداسى شۇعىل تۇردە «كەسىر تىلىگى» ارقىلى ايەلدى بوساندىرىپ العان.  سالماعى 1 كگ 900 گرامم بولىپ تۋىلعان شاقالاقتى قالالىق پەريناتالدىق ورتالىقتىڭ دارىگەرلەرى مەديتسينالىق كومەك كورسەتىپ، قامقورلىق جاسادى.

38 جاستاعى بايماحانوۆا جادىرا ءومىرىن اراشالاپ قالعان شىمكەنت قالاسىنىڭ باس رەانيماتولوگى باتىر شامامۋتوۆ، قالالىق جۇقپالى اۋرۋلار ورتالىعىنىڭ اكۋشەرلىك بولىمىنە جاۋاپتى دارىگەر، انەستەزيولوگ-رەانيماتولوگ ايجان بەيسەنگىروۆا، قالالىق جۇرەك ورتالىعىنىڭ كارديوحيرۋرگيالىق انەستەزيولوگيا-رەانيماتسيا جانە قارقىندى تەراپيا ءبولىمىنىڭ مەڭگەرۋشىسى بەكجان پەرمەنوۆ، اكۋشەر-گينەكولوگ ماحاشوۆا انار سىندى بىلىكتى اق حالاتتىلارعا ءوز العىسىن ءبىلدىردى.

سوڭعى جاڭالىقتار

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار