قوعام • 11 ماۋسىم، 2021

ەكس-ءمينيستردىڭ اعاسى 10 جىلعا سوتتالدى

60 رەت كورسەتىلدى

تاراز قالالىق سوتى ەڭبەك جانە حالىقتى الەۋمەتتىك قورعاۋ ەكس-ءمينيسترى ءبىرجان نۇرىمبەتوۆتىڭ اعاسى – جامبىل وبلىستىق جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسىنىڭ ەكس-باسشىسى تيمۋرجان نۇرىمبەتوۆكە قاتىستى ۇكىم شىعاردى، دەپ حابارلايدى Egemen.kz.

تيمۋرجان نۇرىمبەتوۆ 44 ميلليون تەڭگەدەن استام مولشەردە پارا الدى، الاياقتىق جاسادى، قىلمىستىق جولمەن الىنعان اقشا مەن باسقا م ۇلىكتى زاڭداستىردى جانە قىزمەت بابىن اسىرا پايدالاندى دەپ ايىپتالدى. ونىڭ قىلمىستىق ءىس-ارەكەتىنىڭ ناتيجەسىندە مەملەكەتكە 54 ميلليون تەڭگەدەن استام شىعىن كەلتىرىلگەن.

بۇل ءىس بويىنشا باسقارمانىڭ بۇرىنعى قىزمەتكەرلەرى نۇرزيپا رومانوۆا ايدا وتەۋلينا (الاياقتىق جاسادى، پارا الۋدا دەلدالدىق قىزمەت اتقارۋ)، «Asyl-Tirek» مۇگەدەكتەر قوعامدىق ۇيىمىنىڭ جەتەكشىسى جانە وبلىستىق اكىمدىكتىڭ مەملەكەتتىك قۇپيالاردى قورعاۋ دەپارتامەنتىنىڭ ارداگەرلەر مەن مۇگەدەكتەر ءبولىمىنىڭ باسشىسى عالىمجان سارىمساقوۆ (الاياقتىق جاسادى، پارا الۋدا دەلدالدىق قىزمەت اتقاردى، پارا بەرمەك بولدى دەگەن كۇدىكپەن)، «قامقور كۇش» مۇگەدەكتەر قوعامىنىڭ توراعاسى قانات مۇستافا (پارا بەرۋ) ايىپتالدى.

مەملەكەتتىك ايىپتاۋشى سوتتان ت. نۋرىمبەتوۆتى 12 جىلعا باس بوستاندىعىنان ايىرۋ، ن. رومانوۆانى 8 جىل باس بوستاندىعىنان ايىرۋ، ع. سارىمساقوۆتى 9 جىلعا باس بوستاندىعىنان ايىرۋ، ا. وتەۋلينانى 7 جىلعا باس بوستاندىعىنان ايىرۋ، ق. مۇستافانى 7 جىلعا باس بوستاندىعىنان ايىرۋدى سۇرادى.

ال، ادۆوكاتتار سوتتالۋشىلاردىڭ ءىس-ارەكەتىن اۋىر ەمەس باپتار بويىنشا قايتا كۆاليفيكاتسيالاۋدى جانە قوعامنان وقشاۋلانۋمەن بايلانىستى ەمەس جازالار قولدانۋدى سۇرادى.

كىنانى ءىشىنارا مويىنداۋ جەڭىلدەتەتىن ءمان-جاي، ال توتەنشە جاعداي كەزىندە قىلمىستار جاساۋ اۋىرلاتاتىن ءمان-جاي دەپ تانىلدى.

سوت ۇكىمىمەن ن.نۇرىمبەتوۆ مۇلكىن تاركىلەۋ جانە مەملەكەتتىك قىزمەتتە لاۋازىمدار اتقارۋ قۇقىعىنان ءومىر بويىنا ايىرىلىپ، 10 جىلعا باس بوستاندىعىنان ايىرىلدى. سونداي-اق ت. نۇرىمبەتوۆ اقشانى زاڭداستىرۋ بويىنشا قىلمىس قۇرامىندا بولعان جوق دەپ اقتالدى.

ن. رومانوۆا مەن ع. سارىمساقوۆ 8 جىلعا باس بوستاندىعىنان ايىرىلدى، سونداي-اق ءومىر بويىنا مەملەكەتتىك قىزمەتتە لاۋازىمدار اتقارا المايدى. ولاردىڭ قىلمىستىق جولمەن العان قاراجاتقا ساتىپ الىنعان مۇلكى تاركىلەندى.

ا. وتەۋلينا 5 جىلعا، ق. مۇستافا 7 جىلعا باس بوستاندىعىنان ايىرىلدى. ەكەۋى دە ءومىر بويىنا مەملەكەتتىك قىزمەتتەگى لاۋازىمدار اتقارا المايدى.

سوت ۇكىمى ءالى زاڭدى كۇشىنە ەنگەن جوق.

سوڭعى جاڭالىقتار

قايراتكەر حايرەتدين

رۋحانيات • بۇگىن، 22:25

استانادا اۋرۋى اسقىنعان ادام كوپ

مەديتسينا • بۇگىن، 22:23

قولاعا كوڭىل تولماي تۇر

TOKYO2020 • بۇگىن، 22:13

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار