«مەملەكەت باسشىسىنىڭ تاپسىرماسىنا سايكەس, ىشكى ىستەر مينيسترلىگى ءبىلىم بەرۋ ۇيىمدارىمەن بىرگە مەكتەپتەردى تەكسەرىپ جاتىر. قازىردىڭ وزىندە بىرقاتار كەمشىلىك انىقتالدى. اتاپ ايتقاندا, مەكتەپتەر 100 پايىز بەينەباقىلاۋ جۇيەسىمەن قامتىلعانىمەن, ولاردىڭ جارتىسىنا جۋىعى بەكىتىلگەن ستاندارتقا ساي كەلمەيدى», دەدى مينيستر.
ونىڭ اتاپ وتۋىنشە, ەلىمىزدەگى ءاربىر ءۇشىنشى مەكتەپ جەدەل حابارلاندىرۋ جۇيەسىمەن, 8 پايىزى دابىل تۇيمەشەگىمەن, 5 پايىزى باقىلاۋ جانە وتكىزۋ جۇيەسىمەن, 4 پايىزى تۋرنيكەتپەن, 1 پايىزى مەتالل ىزدەۋ قۇرىلعىسىمەن جابدىقتالعان.
«مەكتەپتەردىڭ تەك 6 پايىزى عانا كۇزەت ۇيىمدارىمەن كەلىسىمشارت جاساسقان», دەدى ەرلان تۇرعىمباەۆ,
سونىمەن قاتار ول ءبىلىم جانە عىلىم مينيسترلىگىمەن بىرگە ءبىلىم بەرۋ ۇيىمدارىنا الىپ كەلۋگە تىيىم سالىناتىن زاتتاردىڭ تىزبەسى ازىرلەنگەنىن ايتتى. بۇل تىيىم وسى جىلدىڭ 13 ماۋسىمىنان كۇشىنە ەنەتىن بولادى.
