2018 جىلى ەلباسىنىڭ باستاماسىمەن 3 جىلعا ارنالعان جول كارتاسى قابىلداندى. ونى جۇزەگە اسىرۋدىڭ ناتيجەسى بويىنشا قىزمەتكەرلەردىڭ شتاتتىق سانى 13,5 مىڭعا قىسقاردى, 106 باسقارۋ بولىمدەرى مەن 1483 باسشىلىق لاۋازىمدار تاراتىلدى.
«بۇگىندە پوليتسەيلەر سانى 100 مىڭ تۇرعىنعا شاققاندا 471-دەن 369-عا دەيىن ازايدى. بۇل ەۋروپالىق ەلدەرمەن سايكەس كەلەدى. اكىمشىلىك شىعىندار ازايدى. جۇمىس ءۇشىن قاجەتتى جاعدايلار جاسالدى: الەۋمەتتىك قورعاۋ, تۇرعىن ءۇي جاعدايلارى جاقساردى, قىزمەتكەرلەردىڭ جالاقىسى كوتەرىلدى. قىزمەتكەرلەردى وقىتۋ جۇيەسۋ قايتا قارالدى. قىزمەتكە قابىلداۋ تالاپتارى كۇشەيدى. پوليتسيا قىزمەتىن باعالاۋدىڭ جاڭا جۇيەسى ەنگىزىلدى. ەندى پوليتسيانىڭ جۇمىسىنا حالىق باعا بەرەدى. تاۋەلسىز ينستيتۋتتار الەۋمەتتىك زەرتتەۋلەر جۇرگىزىپ, قاۋىپسىزدىك دەڭگەيى جانە حالىقتىڭ پوليتسياعا سەنىمى بويىنشا باعالايدى», دەدى ە.تۇرعىمباەۆ.
