«جىل باسىنان بەرى ەلدەگى قىلمىس 2,5 پايىزعا ازايدى. قاراقشىلىق شابۋىل – 7, توناۋ –22, بۇزاقىلىق 26 پايىزعا قىسقاردى.
سونداي-اق جاسوسپىرىمدەر اراسىنداعى, قوعامدىق ورىندار مەن كوشەلەردە جانە ماس كۇيىندە جاسالاتىن قىلمىستار تومەندەدى. قىلمىستى اشۋ كورسەتكىشى جاقساردى. قوعامدىق ورىنداردا قاۋىپسىزدىكتى قامتاماسىز ەتۋگە باستى نازار اۋدارىلادى», دەدى مينيستر.
تۇرعىمباەۆتىڭ ايتۋىنشا, مەملەكەت باسشىسىنىڭ تاپسىرماسىمەن «جۇرتقا جاقىن پوليتسيا» جوسپارى ىسكە اسىپ جاتىر.
«وسى جۇمىس اياسىندا تۇرعىن ءۇي اينالاسىندا, ساياباقتاردا جانە سكۆەرلەردە جاياۋ ءپاترۋلدىڭ سانى كوبەيتىلۋدە. قالالاردىڭ اسا كريمينوگەندىك ۋچاسكەلەرىندە زاماناۋي پوليتسيانىڭ مودۋلدىك بەكەتتەرى ورناتىلۋدا. سول بەكەتتەردە ازاماتتاردى تاۋلىك بويى قابىلداپ, قىزمەت اتقارۋ ءۇشىن بارلىق قاجەتتى جاعداي جاسالعان. سونداي-اق, «پوليتسيانى شاقىرتۋ» دابىل جۇيەسى ورناتىلعان. ارىزدانىپ كەلگەن ازامات, تىكەلەي كەزەكشى بولىمگە حابارلاسا الادى», دەدى ەرلان تۇرعىمباەۆ.
