شىمكەنت قالاسىنىڭ پوليتسيا دەپارتامەنتىنە قاراستى جەدەل باسقارۋ ورتالىعى, تسيفرلاندىرۋ باسقارماسى مەن IDC كومپانياسى بىرلەسە شاھارداعى №83 جالپى ورتا مەكتەپتە پيلوتتىق رەجيمدە ينتەگراتسيالانعان دابىل باتىرماسىن ورناتتى.
بۇل «SOS دابىل باتىرماسى» ءبىلىم وشاقتارىنداعى وقۋشىلاردىڭ قاۋىپسىزدىگىن نىعايتۋ ماقساتىندا ورناتىلعان. پيلوتتىق رەجيمدە ىسكە قوسىلعان باتىرما ەكى بولىكتەن تۇرادى. جوعارعى بولىگىندە ەۆاكۋاتسيالاۋ جوسپارى ەكراندا كورسەتىلەدى, تومەنگى بولىگىندە دابىل باتىرماسى مەن ميكروفون تۇرادى. مەكتەپتە ورىن العان كەز-كەلگەن توتەنشە جاعدايدا باتىرمانى باسقان كەزدە, اتالعان توتەنشە جاعداي بويىنشا دابىل قاعىلادى. مالىمەت جەدەل باسقارۋ ورتالىعىنا نەمەسە مەكتەپ وپەراتورىنا كەلىپ تۇسەدى. دابىلدان كەيىن جەدەل كومەك ءتۇرى ۇسىنىلادى.
«SOS دابىل باتىرماسى» پيلوتتىق جوباسىن قالاداعى بارلىق مەكتەپكە ورناتۋ جوسپارلانىپ وتىر.
