مونيتورينگتىك توپتار تومەندەگى مەكەمەلەردى اكىمشىلىك جاۋاپكەرشىلىككە تارتتى.
سارىارقا اۋدانىنداعى كەنەسارى كوشەسى, 8 مەكەنجايىندا ورنالاسقان «ادەم» قوناق ءۇيىنىڭ قىزمەتكەرلەرى جۇرتشىلىققا بەتپەردەسىز قىزمەت كورسەتتى. بۇل ساتتە ءۇي-جايدا 9 ادام بولعان.
ەسىل اۋدانىنداعى دوستىق كوشەسى, 18 مەكەنجايىندا ورنالاسقان «Back to Hemingway» بارى كارانتين رەجيمىن بۇزىپ, كاليان شەگۋ قىزمەتىن ۇسىنعان. ال تۇران داڭعىلى, 2 مەكەنجايىنداعى «Aura Alanya» تۇنگى كلۋبى ءتۇن ورتاسىنان كەيىن جابىق ەسىك ارقىلى جۇمىس ىستەدى.
باس سانيتارلىق دارىگەردىڭ قاۋلىسىنىڭ بۇزىلۋى ازەرباەۆ كوشەسى, 47 مەكەنجايىنداعى «One shot» كومپيۋتەرلىك كلۋبىندا جانە الماتى اۋدانىنداعى قورداي كوشەسى, 50 مەكەنجايىندا ورنالاسقان «Home bar» بارىندا انىقتالدى.
مونيتورينگتىك توپ بايقوڭىر اۋدانىنداعى پۋشكين كوشەسى, 9 مەكەنجايىندا ورنالاسقان «اچيچۋك» كافەسىندە ءبىر ۇستەلدەگى قوناقتار سانى تىم كوپ ەكەنىن انىقتادى. ءبىر ۇستەلدە 8 ادامنان ارتىق بولعانى بەلگىلى بولدى.
جينالعان ماتەريالدىڭ ءبارى ءتيىستى شارالار قابىلداۋ ءۇشىن اۋداندىق سانيتارلىق-ەپيدەميولوگيالىق باقىلاۋ باسقارماسىنا تاپسىرىلدى.
ەستەرىڭىزگە سالا كەتەيىك, نۇر-سۇلتان ەپيدەميولوگيالىق جاعدايدى باعالاۋ ماتريتساسى بويىنشا «قىزىل» ايماقتا ورنالاسقان. قالاداعى ەپيدەميولوگيالىق جاعداي ءالى دە تۇراقسىز. ەلوردا تۇرعىندارى مەن قوناقتارى, سونداي-اق كاسىپكەرلىك نىساندارى كوروناۆيرۋستىق ينفەكتسيانىڭ ودان ءارى تارالۋىن بولدىرماس ءۇشىن سانيتارلىق نورمالار مەن كارانتين تالاپتارىن قاتاڭ ساقتاۋى كەرەك.
