سونداي-اق «بايتەرەك» ۇلتتىق باسقارۋشى حولدينگىنىڭ, «QazExpoCongress», «قازگەولوگيا», «قازاۆتوجول», «قازاقستان ينجينيرينگ», «ازىق-ت ۇلىك كەلىسىمشارت كورپوراتسياسى», «KazakhTourism», «ۇلتتىق اقپاراتتىق تەحنولوگيالار» ۇلتتىق كومپانيالارىنىڭ قوعامدىق كەڭەستەرىن قۇرۋ ءراسىمى ءجۇرىپ جاتىر.
ەستەرىڭىزگە سالا كەتەيىك, بيىل قابىلدانعان «قوعامدىق كەڭەستەر تۋرالى» زاڭعا تۇزەتۋلەردىڭ ارقاسىندا كۆازيمەملەكەتتىك سەكتور سۋبەكتىلەرىندە 13 قوعامدىق كەڭەس قۇرىلۋدا. ولاردىڭ قۇرىلۋىنا مەملەكەتتىك بيۋدجەتتىڭ قاراجاتى جۇمسالمايتىندىعىن اتاپ ءوتۋ قاجەت.
«قازاقستان عارىش ساپارى» ۇلتتىق كومپانياسىنىڭ قوعامدىق كەڭەسىنىڭ قۇرامىنا 11 مۇشە سايلاندى, ولاردىڭ 7 – ەۋى ازاماتتىق قوعام وكىلدەرى, ولاردىڭ ىشىندە مەيىربەك مولدابەكوۆ – پروفەسسور, قر ۇعا اكادەميگى, حالىقارالىق استروناۆتيكا جانە كوسموناۆتيكا اكادەمياسىنىڭ اكادەميگى, سيمباي دۇيسەنوۆ – حالىقارالىق بايلانىس اكادەمياسىنىڭ اكادەميگى, ابزال جامالوۆ-پروفەسسور, «جقز سالاسىنداعى كومپانيالار قاۋىمداستىعى» زتب قۇرىلتايشىسى جانە باسقالارى.
«KazakhInvest» ۇلتتىق كومپانياسىنىڭ قوعامدىق كەڭەسىنىڭ قۇرامىنا ازاماتتىق قوعامنىڭ 9 وكىلى كىردى, ولاردىڭ ىشىندە «قازاقستان قارجىگەرلەرىنىڭ قاۋىمداستىعى» زتب وكىلى ءالىبي وتەۋلوۆ, قازاقستان قاپتاۋشىلار قاۋىمداستىعىنىڭ باسقارما توراعاسى باتىربەك اۋباكىروۆ, قازاقستاندىق اۆتوبيزنەس قاۋىمداستىعىنىڭ ۆيتسە – پرەزيدەنتى انار ماقاشەۆا, «ۇلتتىق كورپوراتيۆتىك باسقارۋ اكادەمياسى» رقب اتقارۋشى ديرەكتورى لاۋرا شاشپان جانە باسقالارى بار.
