وقيعا • 10 ماۋسىم، 2021

اقشا بەرىپ قىلمىسىن جاسىرماق بولعان تۇركىستاندىق پەدوفيل سوتتالدى

1687 رەت كورسەتىلدى

تۇركىستان وبلىسىندا 29 جاستاعى ەر ادام 15 جاستاعى جيەنىنە زورلىق-زومبىلىق جاساپ، كەيىن بولعان جاعدايدى ەشكىمگە ايتپاۋى ءۇشىن وعان اقشا بەرگەن، دەپ حابارلايدى Egemen.kz.

قىلمىستىق ءىس مالىمەتتەرى بويىنشا، اناسى قىزىنىڭ قولىندا ءبىرشاما قولما-قول اقشا بولعانىن بايقاپ قالعان. ايەل قىزىنان اقشانى قايدان العانىن سۇرايدى، ءجاسوسپىرىم بولعان جاعدايدى اناسىنان جاسىرۋعا تىرىسپاق بولادى، الايدا كوپ ۋاقىت وتپەي شىندىقتىڭ بەتى اشىلادى.

وقيعا بىلتىر قىركۇيەكتە بولعان. تۇركىستان وبلىسىنىڭ تۇرعىنى دەرەۋ قۇقىق قورعاۋ ورگاندارىنا جۇگىندى. كۇدىكتى دەرەۋ ۇستالىپ، كەيىن سوتتىڭ شەشىمىمەن قاماۋعا الىندى. وعان قاتىستى قر قىلمىستىق كودەكسىنىڭ 120 بابى، 3-1 بولىگى، 1 تارماعى (كامەلەتكە تولماعان بالانى زورلاۋ) بويىنشا قىلمىستىق ءىس قوزعالدى.كىنا دالەلدەنىپ ەر ادام قىلمىسىن تولىقتاي مويىندادى.

تەرگەۋ بارىسىندا ونىڭ قىلمىسىنىڭ باسقا دا دالەلدەمەلەرى جينالدى. ءجاسوسپىرىم مەن ونىڭ اناسىنا ارنايى پسيحوتەراپيالىق كومەك كورسەتىلدى.

تۇركىستان وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ايىپتالۋشىنى 12 جىلعا باس بوستاندىعىنان ايىردى. ول مەرزىمىن ەڭ جوعارى قاۋىپسىزدىك پەنيتەنتسيارلىق جۇيەسى مەكەمەسىندە وتەيتىن بولادى. ۇكىم ءالى زاڭدى كۇشىنە ەنگەن جوق.

ايىپتالۋشى وزىنە تاعىلعان شەشىمگە كەلىسپەي، سوتقا اپەللياتسيالىق شاعىم ءتۇسىردى. قازىر ونى تۇركىستان وبلىستىق سوتىنىڭ قىلمىستىق ىستەر جونىندەگى سوت القاسى قاراپ جاتىر. 

سوڭعى جاڭالىقتار

ۇقساس جاڭالىقتار