ايماقتار • 10 ماۋسىم، 2021

پوليتسەيلەر كيبەرقىلمىسپەن كۇرەسەدى

443 رەت كورسەتىلدى

سوڭعى كەزدەرى ينتەرنەت، تەلەفون، ۆاتساپ الاياقتارىنىڭ كوبەيىپ بارا جاتقاندىعى تۋرالى اقپاراتتاردى ءجيى ەستيتىن بولدى. قىلمىس الەمى جاڭا ءادىس-تاسىلدەرىن مەڭگەرىپ، ەندى جۇرتتى ونلاين رەجىمدە الداۋعا كوشكەن. قاشىقتا وتىرىپ قاراپايىم ادامداردى قان قاقساتاتىن مۇنداي قىلمىسقا قارسى كۇرەسۋ ءۇشىن ىشكى ىستەر مينيسترلىگى ماقان ەسبولاتوۆ اتىنداعى الماتى اكادەمياسى بىلتىرعى جىلى ماماندار دايارلاۋ تۋرالى شەشىم قابىلداعان بولاتىن.

وسىعان وراي اكادەميا بازاسىندا ەندى كيبەرقىلمىسپەن كۇرەسەتىن ماماندار دايارلانا باستادى.  ەندىگى كەزەكتە پوليتسيا قىزمەتكەرلەرى قوعامدىق ءتارتىپتىڭ كۇزەتشىلەرى عانا ەمەس، باعدارلاماشى قىزمەتىنە كىرىسىپ، حاكەرلەرمەن  كۇرەستىڭ امال-ايلاسىن مەڭگەرمەك.

الماتى اكادەمياسى باستىعىنىڭ ورىنباسارى جانات ءدىلبارحانوۆا تەحنولوگيا كۇن سايىن وزگەرىپ جاتقان زاماندا كيبەرقىلمىسپەن كۇرەسۋ وتە ماڭىزدى، دەيدى. ونىڭ ايتۋىنشا، كيبەرقىلمىسپەن كۇرەس ماماندىعىنا وسى سالادان تاجىريبەسى بار كادرلار تاڭداپ الىنعان. ينتەرنەتتىڭ دامۋىمەن زيانكەستەر قازىر ءارتۇرلى مەسسەندجەرلەردىڭ، الەۋمەتتىك جەلىلەردىڭ، تىپتەن قول تەلەفوننىڭ كومەگىمەن ازاماتتاردى الداۋدىڭ جاڭا ادىسىنە كوشكەن. ال كيبەرقىلمىسپەن كۇرەسۋدىڭ الىپپەسىن مەڭگەرۋگە كىرىسىپ كەتكەن بولاشاق ماماندار ءۇشىن اقپاراتتىق تەحنولوگيالاردىڭ وزىق ادىستەرىن ءجىتى مەڭگەرۋگە تۋرا كەلەدى. بۇل ءوز كەزەگىندە ونلاين-سالاداعى قىلمىستاردى اۋىزدىقتاۋعا مۇمكىندىك بەرەدى. ال ولاردىڭ دايىندىعىنا  باسقا دا ۇيىمدار مەن مەكەمەلەردىڭ ماماندارى تارتىلىپ وتىر. زاماناۋي تەحنولوگيالار كۇن سايىن جاڭارىپ وتىرعان كەزەڭدە بۇل ماسەلەدە كاسىپقويلاردىڭ قاتىسقانى ءتيىمدى. ولاردىڭ كومەگىمەن اكادەمياداعى ورتالىقتىڭ اقپاراتتىق بازاسى تولىقتىرىلىپ، وقۋ ءۇردىسىن جەتىلدىرۋدەگى مۇمكىندىكتەرى پايدالانىلادى.

وقىتۋ باعدارلاماسى نەگىزىنەن تاجىريبەگە نەگىزدەلگەن. وقۋ بارىسىنىڭ شامامەن 70 پايىزى پراكتيكالىق ساباقتاردان تۇرادى. ونىڭ بارىسىندا كيبەرقىلمىستاردى اشۋدىڭ، دالەلدەمەلەردى تابۋ مەن بەلگىلەۋدىڭ، IT-تەحنولوگيالاردىڭ، تەلەفون بايلانىسىنىڭ كومەگىمەن جاسالاتىن قۇقىق بۇزۋشىلىقتاردى تەرگەۋدىڭ زاماناۋي ادىستەرى ۇيرەتىلەدى.

الماتى

سوڭعى جاڭالىقتار

الماتىداعى احۋال كۇردەلى

ايماقتار • بۇگىن، 19:45

بالالار Ashyq جۇيەسىنە ەنگىزىلە مە؟

قازاقستان • بۇگىن، 19:20

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار