ايماقتار • 10 ماۋسىم، 2021

سقو-دا اسا ءىرى كولەمدەگى ەسىرتكى تاركىلەندى

35 رەت كورسەتىلدى

قىزىلجار اۋدانىنىڭ 40 جاستاعى تۇرعىنىن پەتروپاۆل قالاسىندا «Subaru Legacy» كولىگىمەن كەتىپ بارا جاتقاندا ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ونى جەدەل دەرەكتىڭ كورسەتۋىمەن ۇستاعان، دەپ حابارلايدى Egemen.kz.

كولىكتىڭ جۇكسالعىشىنان وزىنە ءتان ەرەكشە ءيىسى بار، اۋزى سكوتچپەن ورالعان پوليمەرلى پاكەتتەن وسىمدىك تەكتەس زات شىعادى. ساراپتاماعا سالعاندا ونىڭ سالماعى 4 كگ 960 گر ەسىرتكى قۇرالى –كەپتىرىلگەن ماريحۋانا ەكەنى انىقتالعان. بۇل اسا ءىرى كولەمدەگى ەسىرتكىگە جاتادى. اتالعان فاكتى قىلمىستىق كودەكستىڭ 296-بابى 4-بولىگى

«ەسىرتكى، پسيحوتروپتىق زاتتارمەن، سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ» بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى.

«قازىر ۇستالعان ادامنىڭ ەسىرتكى ساتۋعا قاتىسى بار-جوعى تەكسەرىلۋدە. ونىڭ اۋدان ورتالىعى - بەسكولدە تۇراتىن ءۇيىن تەكسەرگەن كەزدە وسىمدىك تەكتەس زات ورالعان ەكى پوليمەرلى پاكەت پەن تارازى تابىلدى. الىنعان زاتتار سوت-حيميالىق ساراپتاماسىنا جىبەرىلدى. كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسى قابىلداندى»، دەيدى سقو پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى، پوليتسيا پولكوۆنيگى جاندوس باسىباەۆ.

ادامنان اسا ءىرى كولەمدەگى ەسىرتكى تابىلسا 3 جىلدان 7 جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان. ال ەگەر ول ساتۋ ماقساتىنا قولدانىلعانى دالەلدەنسە 20 جىلعا دەيىن باس بوستاندىعىنان ايىرۋ جازاسى كوزدەلگەن. جىل باسىنان بەرى سولتۇستىك قازاقستان وبلىسىنىڭ پوليتسەيلەرى ەسىرتكىنى زاڭسىز ساتۋمەن بايلانىستى 10 كۇدىكتىگە قاتىستى 13 قىلمىستىق ءىستى سوتقا جىبەردى. ەسىرتكىنىڭ زاڭسىز اينالىمىنا بايلانىستى اۋىر جانە اسا اۋىر قىلمىس ءۇشىن 16 ادام ۋاقىتشا ۇستاۋ يزولياتورىنا قامالدى.

سوڭعى جاڭالىقتار

الماتىداعى احۋال كۇردەلى

ايماقتار • بۇگىن، 19:45

بالالار Ashyq جۇيەسىنە ەنگىزىلە مە؟

قازاقستان • بۇگىن، 19:20

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار