قوعام • 10 ماۋسىم، 2021

الەكسەي تسوي الداعان با؟ ۆاكتسينا سالدىرعاندار كورسەتكىشى مەن مينيسترلىكتىڭ مالىمەتى سايكەسپەيدى

ەلىمىزدە كۇن سايىن 68 مىڭعا جۋىق ادام ۆاكتسينا سالدىرادى. ونىڭ ىشىندە قۇقىق قورعاۋ ورگاندارى قىزمەتكەرلەرىنىڭ 88%-ى، پەداگوگتەردىڭ 68%-ى، ستۋدەنتتەردىڭ 14%-ى جانە سوزىلمالى اۋرۋلارى بار ادامداردىڭ 1،5%-ى عانا ەكپە سالدىرعان. الايدا بۇگىن ۇكىمەت وتىرىسىندا پرەمەر-ءمينيستردىڭ ورىنباسارى ەرالى توعجانوۆ دەنساۋلىق ساقتاۋ مينيسترلىگىنىڭ مالىمدەمەسى كورسەتكىشتەرمەن سايكەسپەيتىنىن ايتتى، دەپ حابارلايدى Egemen.kz.

ايىم ءداۋىت

ەرالى توعجانوۆ ەلدەگى ەپيدەميالىق احۋال تەك كەشەندى شارالاردىڭ، اسىرەسە، حالىقتى ۆاكتسينالاۋدىڭ ارقاسىندا تۇراقتالاتىنىن اتاپ ءوتتى.

«وڭىرلەر ۆاكتسينالارمەن تولىق قامتاماسىز ەتىلگەن. رەسپۋبليكا بويىنشا تاۋلىگىنە شامامەن 68 مىڭ ادام ۆاكتسينالانادى. وسى ورايدا ءبىرىنشى كومپونەنت بويىنشا – 44 مىڭ ادام ەكپە سالدىرادى. دەگەنمەن، ماڭعىستاۋ، اقمولا، قوستاناي وبلىستارىنىڭ، نۇر-سۇلتان قالاسىنىڭ اكىمدىكتەرى بۇل جۇمىستى جەدەلدەتىپ كۇشەيتۋى كەرەك»، دەدى ۇكىمەت باسشىسىنىڭ ورىنباسارى.

ونىڭ ايتۋىنشا، دەنساۋلىق ساقتاۋ مينيسترلىگىنىڭ دەرەكتەرى تەك سوڭعى ءۇش كۇندە ۆيتسە-پرەمەر ۇسىنعان ساندارعا جاقىن. ۆاكتسينالانعانداردىڭ اپتا ىشىندەگى كۇندەلىكتى تاۋلىكتىك ءوسىمى مىنانى قۇرادى:

10 ماۋسىمعا: ءبىرىنشى كومپونەنت – 44 691، ەكىنشى كومپونەنت – 23 856;

9 ماۋسىم: ءبىرىنشى كومپونەنت – 40 589، ەكىنشى كومپونەنت – 27 350;

8 ماۋسىم: ءبىرىنشى كومپونەنت – 38 122، ەكىنشى كومپونەنت – 25 577;

7 ماۋسىم: ءبىرىنشى كومپونەنت – 17 758، ەكىنشى – 7 960;

6 ماۋسىم: ءبىرىنشى كومپونەنت – 21 044، ەكىنشى كومپونەنت – 13 473;

5 ماۋسىم: ءبىرىنشى كومپونەنت – 27 585، ەكىنشى كومپونەنت – 23 800;

4 ماۋسىم: ءبىرىنشى كومپونەنت – 22 443، ەكىنشى كومپونەنت – 24 259.

ەگەر ەلىمىزدە ءبىر تاۋلىكتە 68 مىڭ ادام ەكپە سالدىرسا، وندا ءبىر اي ىشىندە ولاردىڭ سانى 2 ملن-نان استام بولار ەدى. بۇگىنگى تاڭدا قازاقستاندا بارلىعى 2 371 178 ادام ءبىرىنشى كومپونەنتتى، ەكىنشىسىن – 1 264 247 ادام عانا ەكتىرگەن.

بۇدان وزگە، سق-فارماتسيا باسشىسى قازاقستان «سپۋتنيك V»-ءنىڭ 10،2 ملن دوزاسىن ساتىپ العانىن مالىمدەدى. بىراق حالىقتىڭ ۆاكتسيناعا سۇرانىسى تومەن ەكەنىن العا تارتىپ وتىر.

ەسكە سالا كەتەيىك، پرەمەر-مينيستر اسقار مامين اكىمدىكتەر مەن دەنساۋلىق ساقتاۋ مينيسترلىگىنە جازعى كەزەڭدە، اسىرەسە، ماڭعىستاۋ، اقمولا، قوستاناي وبلىستارى مەن نۇر-سۇلتاندا ۆاكتسينالاۋ قارقىنىن بارىنشا ارتتىرۋدى تاپسىردى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز