«جالپى ەلدەگى ەپيدەميالىق جاعداي تۇراقتى. بۇعان قابىلدانىپ جاتقان كەشەندى شارالار, ونىڭ ىشىندە حالىقتى ۆاكتسينالاۋ وڭ ىقپال ەتۋدە. بۇگىندە وڭىرلەر ۆاكتسينامەن تولىقتاي قامتاماسىز ەتىلگەن. رەسپۋبليكا بويىنشا كۇن سايىن 68 مىڭنان اسا ادام ۆاكتسينا الىپ جاتىر, ونىڭ ىشىندە ءبىرىنشى كومپونەنت 44 مىڭ», دەدى ە. توعاجانوۆ.
وسى ورايدا ول ءوڭىر اكىمدىكتەرىنە ءتيىستى تاپسىرمالاردى بەرۋ كەرەكتىگىن اتاپ ءوتتى.
«بىرىنشىدەن, وڭىرلەر حالىقتى ۆاكتسينالاۋ قارقىنىن ارتتىرۋ بويىنشا ناقتى شارالار قابىلداۋى قاجەت. بۇل باعىتتاعى جۇمىستى اكىمدەر جەكە باقىلاۋىنا الۋى ءتيىس. ەكىنشىدەن, بيزنەس سۋبەكتىلەرىن Ashyq جوباسىنا تارتۋدى كۇشەيتۋ كەرەك. ۇشىنشىدەن, «اتامەكەن» ۇكپ-مەن بىرگە Ashyq جوباسىنا قوسىلعان كاسىپكەرلەر اراسىندا قابىلدانعان تالاپتاردى ساقتاۋ بويىنشا ءتۇسىندىرۋ جۇمىستارىن جۇرگىزۋىمىز قاجەت», دەدى ۇكىمەت باسشىسىنىڭ ورىنباسارى.
سونىمەن قاتار ول كاسىپكەرلىك سۋبەكتىلەر تاراپىنان قىزمەتىن زاڭسىز جۇرگىزۋدى بولدىرماۋ ماقساتىندا دا مونيتورينگ توپتارىنىڭ جۇمىسىن كۇشەيتۋدىڭ ماڭىزىن ايتتى.
الدىڭعى اقپاراتتارىمىزدا حابارلاعانداي, ۇكىمەت باسشىسى اسقار مامين اكىمدىكتەر مەن دەنساۋلىق ساقتاۋ مينيسترلىگى جاز كەزىندە ۆاكتسينالاۋ قارقىنىن بارىنشا ۇلعايتۋى قاجەت ەكەنىن, اسىرەسە, ماڭعىستاۋ, اقمولا, قوستاناي وبلىستارى مەن نۇر-سۇلتان قالاسىندا بۇل باعىتتاعى جۇمىستاردى كۇشەيتۋدىڭ ماڭىزىن ايتتى. بارلىق دەڭگەيدەگى اكىمدەرگە ۆاكتسيناتسيا ماسەلەسىن جەكە باقىلاۋعا الۋى تاپسىرىدى.
