يمپيچمەنت ماسەلەسى پارلامەنتتىك تەكسەرىس ناتيجەسىندە مەتا بيىل ساۋىردە وتكەن پارلامەنتتىك سايلاۋ كەزىندە باسقارۋشى سوتسياليستىك پارتياعا «بىرجاقتى كوزقاراسپەن» قاراپ, كونستيتۋتسيانى بۇزعانىن انىقتاعاننان كەيىن باستالدى.
ءبىر توپ سوتسياليستىك پارلامەنتشى ەل پرەزيدەنتىنە قاتىستى تەرگەۋ جۇرگىزۋدى تالاپ ەتىپ, كوپتەگەن جىل بۇرىن وسى پارتيادان شىعىپ كەتكەن مەتانى ەلدەگى تۇراقسىزدىق پەن زورلىق-زومبىلىقتى ۇدەتىپ, سونداي-اق وپپوزيتسيامەن جاقىن قارىم-قاتىناس ورناتتى دەپ ايىپتاپ وتىر.
ەندى الداعى ءۇش اي ارالىعىندا ونى قىزمەتىنەن بوساتۋ تۋرالى شەشىمدى البانيانىڭ كونستيتۋتسيالىق سوتى ماقۇلداۋى ءتيىس. دەسە دە, پرەزيدەنتتىڭ ءوزى تەرگەۋ مەن يمپيچمەنت پروتسەسىن سىنعا الىپ, ولاردى زاڭسىز دەپ باسا ايتتى. البانياداعى پرەزيدەنت نەگىزىنەن سالتاناتتى فۋنكتسيالاردى ورىنداعىنىمەن, تەك سوت جۇيەسىندە جانە اسكەري سالادا عانا كەيبىر وكىلەتتىگى بار.
