مەديتسينا • 09 ماۋسىم، 2021

پاۆلودارعا ىندەتكە قارسى ەكپەنىڭ جاڭا دوزاسى جەتكىزىلدى

21 رەت كورسەتىلدى

مەديتسينالىق جۇكتىڭ جەتكىزىلۋى تۋرالى وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى ءمالىم ەتتى، دەپ حابارلايدى Egemen.kz.

«كەشە گامكوۆيدۆاك (سپۋتنيك V) ۆاكتسيناسى قابىلداندى. ءبىرىنشى كومپونەنتىنەن – 12 150 دوزا، ەكىنشىسىنەن – 25 435 دوزا كەلدى»، دەلىنگەن حابارلامادا.

باسقارمانىڭ مالىمەتىنشە، 1 اقپاننان بەرى وبلىسقا ۆاكتسينالاردىڭ ءبىرىنشى كومپونەنتىنەن 125 295 دوزا جانە ەكىنشى كومپونەنتىنىڭ 99 750 دوزاسى جەتكىزىلگەن. «سپۋتنيك V» ءبىرىنشى كومپونەنتىنەن 103 295 دوزا جانە ەكىنشى كومپونەنتىنەن 77 750 دوزا اكەلىندى. Qazvac ۆاكتسيناسىنىڭ ءبىرىنشى جانە ەكىنشى كومپونەنتتەرىنەن 2000 دوزادان، Hayat-Vax ۆاكتسيناسىنىڭ ءبىرىنشى جانە ەكىنشى كومپونەنتتەرىنەن 20 مىڭ دوزادان كەلگەن.

ەسكە سالايىق، بۇعان دەيىن دەنساۋلىق ساقتاۋ باسقارماسىنىڭ باسشىسى ماۋسىم ايىنىڭ ورتاسىنا دەيىن وبلىسقا «سپۋتنيك V» ءبىرىنشى كومپونەنتىنەن 50 مىڭ دوزا جەتكىزىلەدى، دەپ حابارلاعان بولاتىن.

سونداي-اق باسقارما باسشىسى پاۆلودارلىقتار ۆاكتسينانىڭ ەكىنشى كومپونەنتىن 21 نەمەسە 45-ءشى كۇنى الاتىنىن وزدەرى تاڭداي الاتىندىعىن ايتتى.

سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • كەشە

ۇقساس جاڭالىقتار