ەكونوميكا • 09 ماۋسىم، 2021

ەلىمىزدىڭ التىن ۆاليۋتا قورى 2،2 ملرد دوللارعا ارتتى

68 رەت كورسەتىلدى

التىن ۆاليۋتا رەزەرۆتەرى مامىر ايىنىڭ باسىنان باستاپ سوڭىنا دەيىن 2،2 ملرد اقش دوللارىنا ۇلعايىپ، 36،5 ملرد اقش دوللارىن قۇرادى. بۇل تۋرالى ۇلتتىق بانك توراعاسىنىڭ ورىنباسارى ءاليا مولدابەكوۆا ءمالىم ەتتى، دەپ حابارلايدى Egemen.kz.

«التىن ۆاليۋتا رەزەرۆتەرىنىڭ ۇلعايۋى ەڭ الدىمەن التىن باعاسىنىڭ ءبىر ۋنتسيا ءۇشىن 1769 اقش دوللارىنان 1892 اقش دوللارىنا دەيىن قالپىنا كەلۋى اياسىندا التىن پورتفەلىنىڭ 1،9 ملرد اقش دوللارىنا (نەمەسە 7%-عا) ءوسۋى اياسىندا بولدى. رەزەرۆتەر قۇرامىنداعى التىننىڭ ۇلەسى 67،7%-عا جەتتى. باعالى مەتالل باعاسىنىڭ وسۋىنە اقش مبق كىرىستىلىگىنىڭ تومەندەۋى جانە اقش دوللارى باعامىنىڭ جاھاندىق تومەندەۋى سەبەپ بولدى. ەركىن كونۆەرتاتسيالاناتىن ۆاليۋتاداعى اكتيۆتەر 311 ملن اقش دوللارىنا، ونىڭ ىشىندە دەپوزيتتەر مەن ۇب شوتتارىنداعى قاراجاتتىڭ ەسەبىنەن 297 ملن اقش دوللارىنا ءوستى»، دەدى ول.

جەدەل تۇسكەن مالىمەتتەر بويىنشا، مامىردىڭ سوڭىندا ۇلتتىق قوردىڭ ۆاليۋتالىق اكتيۆتەرى ءبىر ايدا 800 ملن اقش دوللارىنا ۇلعايىپ، 58،5 ملرد اقش دوللارىن قۇرادى.

«وتكەن ايدا ۇلتتىق قوردىڭ ۆاليۋتالىق اكتيۆتەرىنىڭ ءوسۋى ۆاليۋتالىق تۇسىمدەردىڭ ۇلعايۋىنا جانە وڭ ينۆەستيتسيالىق كىرىسكە بايلانىستى بولدى. مامىردا ۆاليۋتالىق تۇسىمدەر 720 ملن اقش دوللارىن قۇرادى. قورعا تۇسەتىن تۇسىمدەردىڭ ەلەۋلى دەڭگەيى بيىلعى جىلى مۇناي باعاسىنىڭ قالپىنا كەلۋىنە جانە مامىرداعى ۇلكەن سالىق تولەمدەرىنىڭ كەزەڭىنە بايلانىستى قالىپتاستى»، دەدى مولدابەكوۆا.

اكتسيالار نارىعىنداعى جالعاسىن تاپقان وڭ ۇردىسكە، وبليگاتسيالار مەن التىن باعاسىنىڭ قالپىنا كەلۋگە بايلانىستى ۇلتتىق قوردىڭ ينۆەستيتسيالىق كىرىسى مامىردا شامامەن 660 ملن اقش دوللارىن نەمەسە 1،15%-دى قۇرادى.

سونىمەن قاتار مامىردا 251 ملرد تەڭگە كولەمىندە كەپىلدىك بەرىلگەن جانە نىسانالى ترانسفەرتتەردى ءبولۋ ءۇشىن ۇلتتىق بانك قوردىڭ ۆاليۋتالىق اكتيۆتەرىن 553 ملن اقش دوللارى سوماسىنا (بالاماسى 237 ملرد تەڭگە) ساتتى. بۇل رەتتە ترانسفەرتتەردىڭ ءبىر بولىگى تەڭگەدەگى شوتتاعى قالدىقتار مەن تەڭگەدەگى تۇسىمدەر ەسەبىنەن قاناعاتتاندىرىلدى.

سونداي-اق ءاليا مولدابەكوۆا بولاشاق ۇرپاققا ارنالعان جيناق قورى رەتىندەگى ۇلتتىق قوردىڭ ءرولىن نىعايتۋ جونىندەگى شارالار تۋرالى ايتتى.

قازاقستاندىقتاردىڭ بولاشاق ۇرپاعى ءۇشىن قاراجات جيناقتاۋدى قامتاماسىز ەتۋ ۇلتتىق قوردىڭ نەگىزگى فۋنكتسيالارىنىڭ ءبىرى بولىپ تابىلادى. ۇلتتىق قوردىڭ قاراجاتىن قالىپتاستىرۋ جانە پايدالانۋ تۇجىرىمداماسىندا قوردى "جەپ قويۋ" تاۋەكەلدەرىن بولدىرماۋ ماقساتىندا ءىجو-ءنىڭ 30%-ى دەڭگەيىندە قور كولەمىنىڭ تومەندەمەيتىن قالدىعى بەلگىلەندى، ياعني ۇلتتىق قوردىڭ اكتيۆتەرى شەكتى ماننەن تومەندەگەن جاعدايدا ترانسفەرتتەردىڭ مولشەرى ءتيىستى شاماعا ازايتىلۋى ءتيىس.

«اكتيۆتەردى اللوكيرلەۋ تاۋەكەلىنىڭ تەڭگەرىمدى دەڭگەيى كەزىندە ينۆەستيتسيالاردان تۇسەتىن كىرىستىلىك بولاشاق ۇرپاق ءۇشىن ۇلتتىق قوردا قاراجات جيناقتاۋ كوزدەرىنىڭ ءبىرى بولىپ تابىلادى. مەن بۇعان دەيىنگى سۇحباتتارىمنىڭ بىرىندە ايتىپ وتكەندەي، ۇلتتىق بانك داعدارىس ورىن العان 2020 جىلى قوردىڭ ينۆەستيتسيالانعان اكتيۆتەرىن ساقتاۋ جونىندە، اتاپ ايتقاندا، ۇق تۇراقتاندىرۋ پورتفەلىندە «قاۋىپسىزدىك كەپىلى» رەتىندە 5 ملرد اقش دوللارى مولشەرىندە تومەندەمەيتىن قالدىقتى بەلگىلەۋ جانە اكتيۆتەردىڭ كونسەرۆاتيۆتى اللوكيرلەۋدەن تەڭگەرىمدى اللوكيرلەۋگە كوشۋ مەرزىمدەرىن ۇزارتۋ سياقتى شارالار قابىلداعان، بۇل قولايسىز ۋاقىتتا اكتيۆتەردىڭ تاۋەكەلدى سىنىپتارىنا ينۆەستيتسيالاۋدى بولدىرماۋعا مۇمكىندىك بەردى»، دەدى ۇلتتىق بانك توراعاسىنىڭ ورىنباسارى.

قازىرگى ۋاقىتتا ۇلتتىق بانك اكتيۆتەردىڭ تەڭگەرىمدى اللوكيرلەنۋىنە كوشۋ جانە اكتيۆتەردىڭ نەعۇرلىم كىرىستى سىنىپتارىنىڭ ۇلەسىن ۇلعايتۋ جونىندەگى جۇمىستى جالعاستىرۋدا. 2021 جىلدىڭ باسىنان باستاپ دامۋشى ەلدەردىڭ مبق-عا سالىناتىن ينۆەستيتسيالارى 1،3 ملرد اقش دوللارىنا جانە ينۆەستيتسيالىق دەڭگەيدەگى كورپوراتيۆتىك وبليگاتسيالار 500 ملن اقش دوللارىنا ۇلعايتىلدى. الدىن الا دەرەكتەر بويىنشا وسى جىلدىڭ 5 ايىندا ۇلتتىق قور اكتيۆتەرىنىڭ كىرىستىلىگى 1،64 ملرد اقش دوللارىن نەمەسە 2،84%-دى قۇرايدى.

بۇدان باسقا، ۇكىمەت ۇلتتىق بانكپەن بىرلەسىپ ۇلتتىق قوردىڭ جيناقتاۋ فۋنكتسياسىن قامتاماسىز ەتۋگە ىقپال ەتەتىن قوسىمشا تەتىكتەردى ازىرلەدى. وسىلايشا، 2023 جىلدان باستاپ كەپىلدىك بەرىلگەن ترانسفەرتتىڭ مولشەرىن ايقىنداۋ كونترتسيكلدىق بيۋدجەت قاعيداسىنا نەگىزدەلەتىن بولادى.

سوڭعى جاڭالىقتار

ۇقساس جاڭالىقتار